Bilboko taxiek app baten bidez ibilbide eta prezioen berri emango diete erabiltzaileei aurrerantzean
Bereziki asteburuetan eta gauetan taxi zerbitzuan atzemandako beharrei irtenbidea eman asmoz, Bilboko Udalak eta hirian taxiaren sektorea ordezkatzen duten lau elkarte nagusiek hainbat neurri hartzea adostu dute.
"Zerbitzua "hobetzea" da helburua, eta, horretarako, besteak beste, TaxiBilbao sakelakorako aplikazioa sortu dute; aurrerantzean, taxi guztietan nahitaez erabiliko da. Dagoeneko eskuragarri dago Android eta iOS sistema erabiltzen duten gailuetan.
App horren bidez erabiltzaileak zerbitzu bat eskatu ahal izango du, eta hori egiteko ibilbide motzenaren berri izateko, denbora eta guzti. Ibilbidearen hasieran jakinaraziko zaio prezioa, eta bezeroak aplikazioan adierazitako zenbatekoa ordainduko du, gehienez.
Nora Albete Bilboko Udaleko Mugikortasun eta Jasangarritasunerako alkateorde eta zinegotziaren arabera, "akordioari esker, nabarmen hobetuko da zerbitzua eta gaur egun ikusten ditugun beharrei ahalik eta erantzun egokiena eman ahal izango diegu". Bilboko taxiek "herritarren" mugikortasun beharrei "irtenbideak" eman diezazkieten da asmoa.
Erantsi duenez, biztanleko taxi-lizentzia gehien dituen hirietako bat da Bilbo, baina une jakin batzuetan, batez ere 22:00etatik aurrera eta asteburuetan, "taxi-eskaintza ez da nahikoa".
Hala, zerbitzuan dagoen "gabezia horri irtenbidea emateko", gaueko txanda-aldaketa bi orduz aurreratzea ere erabaki da; hau da, aldaketa 22:00etan egingo da, eta ez 00:00an. Halaber, asteburuko gaueko ordutegian eskari handiena dagoen hilabeteetan, jardunean ez dauden gidariek zerbitzua emateko aukera izango dute.
Adostu den beste neurri batek lizentzien eskualdaketarekin du zerikusia. Zentzu horretan, arrazoia edozein dela ere, jarduera uzten dutenen "lizentzien eskualdaketa bizkortzeko neurriak ezarriko dira". Era berean, jarraipen zorrotza egingo da lizentzia duten taxiek zerbitzua emateko "dedikazio esklusiboa" izan dezaten.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.