EBk erabaki du oraingoz ez ezartzea indarrean sartzekoak ziren muga-zergak, AEBrekin negoziaziatzeko
Europar Batzordeak bertan behera utzi du muga-zergak aplikatzea, Ameriketako Estatu Batuek altzairuaren eta aluminioaren Europako inportazioen aurka onartu zituztenei erantzunez, Washingtonekin negoziazioei aukera emateko asmoz, muga-zerga orokorrak ezartzea 90 egun atzeratzea erabaki ostean.
Von der Leyenek ohar batean esan duenez, "EBn neurriak onartu bitartean, 90 egunez etenda utziko ditugu".
Alemaniako politikariak adierazi duenez, gogoan hartu dute Donald Trump Estatu Batuetako presidenteak egindako iragarpena: % 10eko muga-zergei eutsiko die, baina 90 egunez etengo ditu Estatu Batuen aurkako errepresaliarik hartu ez duten eta irtenbide negoziatu bat eskatu duten herrialde guztien kontrako muga-zerga gehigarriak, baita Europar Batasunari ere, hasieran % 20koa jarri baitzion.
"Negoziazioei aukera bat eman nahi diegu", esan du Von der Leyenek, eta, "egokiak ez badira, gure kontraneurriak indarrean sartuko dira", ohartarazi du.
Gainera, "kontraneurri gehiago hartzeko prestatzen" jarraitzen dutela azpimarratu du, eta "aukera guztiek mahai gainean" jarraitzen dutela.
EBko estatu kideek baiezkoa eman zieten asteazkenean Trumpek martxoan altzairuaren eta aluminioaren inportazio guztien gainean ezarri zituen % 25eko muga-zergei erantzuteko neurriei.
EBren kontraneurrien bidezko bilketa apirilaren 15etik aurrera aurreikusita zegoen, mailaka, guztira 20.900 milioi euroko balioarekin.
Hala, apirilaren 15etik aurrera aplikatuko zirenek 3.900 milioi euroko merkataritza barne hartzen zuten, eta maiatzaren 15etik aurrera ezarriko zirenek, berriz, 13.500 milioitan baloratutako merkataritza barne hartzen dute.
Soja eta almendrentzako hirugarren kontraneurri txanda bat abenduaren 1ean indarrean sartzea aurreikusita zegoen, 3.500 milioi euroko balioarekin.
Aldi berean, Europako Batzordea hasia zen automobilgintzaren sektoreari ezarritako % 25eko muga-zergen eta Trumpek "elkarrekiko" muga-zerga deitzen dien % 20ko muga-zergen inguruko erantzuna prestatzen, datorren astearen hasieran aurkezteko asmoz.
Zure interesekoa izan daiteke
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.