LABek salatu du Osalanen ikastaroetan "jarrera matxistak, arrazistak eta antisindikalak" izan direla
LABek salatu du Osalanen ikastaroetan "jarrera matxistak, arrazistak eta antisindikalak" izan direla erakundeak azpikontratatutako enpresa batek emandako prestakuntza-saioetan. Gainera, sindikatuak gaitzetsi du horren aurrean Osalan (Laneko Segurtasun eta Osasunerako Euskal Erakundea) "gertatutakoa ezkutatzen" saiatu dela "gaia argitu eta erantzukizunak eskatu beharrean". Bere aldetik, Enplegu Sailak ukatu egin ditu akusazioak.
Hala eman du aditzera astearte honetan LABek, ohar bidez. Gertakariak azaroaren 19an izan ziren, Basauriko IFAP zentroan (Bizkaia). LABen bi delegatu Osalanek ematen dituen prestakuntza saio batean zirela, irakasleak aipu "matxistak, xenofoboak eta antisindikalak" bota zituen "bata bestearen atzetik".
Egoera horren aurrean, haietako batek alde egin zuen, eta, besteak, "amaierara arte eutsi zion", eta, bukatu bezain pronto, biak sindikatuaren arduradunekin harremanetan jarri ziren, jazotakoaren berri emateko. Hala, sindikatuak Osalani eskatu zion gertatutakoa ikertzeko, eta abenduaren erdialdean eraman zuen gaia erakundearen formakuntza-batzordera.
Osalanek adierazi zuenez, formakuntzaz arduratu zen enpresa azpikontratatuak bidalitako inkestetan delegatuek "ez zuten kexarik helarazi", eta, hortaz, emaitzak ontzat eman zituen erakundeak. LABen delegatuen iritziz, baina, inkestan jasotakoa "ez zetorren bat" eurek bizitakoarekin. Are gehiago, "galdetegirik ez zela" pasa ondorioztatu zuten, sindikatuak egindako hainbat ikerketen ondotik.
Orain gutxi, kurtsoa egin eta 3 hilabetera, Osalani eskatu zaio ordezkari sindikalek, besteak beste, inkestak bete ditzaten. Horren aurrean, LABek salatu du "Osalanek ordezkari sindikalen hitza aintzat hartu ez izana, eta enpresa pribatu batek egindako dokumentu faltsuei sinesgarritasun handiagoa eman izana".
Testuinguru horretan, "zerbitzua publifikatzea" eskatu du LABek, "Nafarroan egiten den moduan", eta salatu du Jaurlaritzak "lan osasuna kudeatzeko duen modua". Sindikatuak uste du gertatutakoak "erantzukizun politikoak" dituela.
Enplegu Sailak ukatu egin ditu akusazioak
Bestalde, Eusko Jaurlaritzaren Ekonomia, Lan eta Enplegu Sailak ukatu egin du Osalanek gertatutakoa "ezkutatu" nahi izatea, eta azaldu du sindikatuen salaketa jaso eta gero ikerketa abiatu zutela, erantzukizunak zehazteko.
Iturri horien arabera, auzian nahasitako irakaslea kanpo enpresa bateko langilea da, eta zereginetatik kendu egin dute, gertatutakoa argitzeko.
Era berean, Enplegu Sailetik nabarmendu dute sindikatuei ikerketaren nondik norakoen berri eman dietela, eta, horrenbestez, harridura agertu dute LABek "hiru hilabeteren ostean" egindako salaketa publikoarekin. Horren ildotik, salaketa publiko horrek "helburu politikoak" dituela salatu dute.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".