Ministroen Kontseiluak 78,6 milioi euroko partida onartu du 'Euskal Y'-aren katenaria jartzeko
Garraio eta Mugikortasun Jasangarriko Ministerioak 78,6 milioi euro bideratu ditu Euskal Autonomia Erkidegoko abiadura handiko trenaren, Euskal Y-a deiturikoaren, ibilbide osoan katenaria jartzeko lanak egiteko. Ministroen Kontseiluak astearte honetan eman du lanen lizitazioa egiteko baimena.
Ministerioak Adif AVren bidez egingo du lizitazoa. Lanen helburua izango da trenek energia hartzeko erabiliko duten tentsio altuko kableak trenbide sail osoan jartzea. Zehazki, katenaria jarriko da, alde batetik, Gasteizko irteeratik Bilbora iritsi aurreko tarteraino (Galdakao-Basauri); eta bestetik, Astigarragaraino. Trenek aurreratzeko eta gelditzeko erabiliko dituzten puntuetan, linea batetik bestera pasatzeko puntuetan eta bidegurutzeetan ere ezarriko dira kableak.
Ministerioaren arabera, "linea osoa elektrifikatzeko bidean funtsezko aurrerapausoa" eman dute lanotarako diru-partida esleituta. Bitartean, "Bizkaiko adarreko plataformako lanak amaitzen eta trenbideak jartzeko proiektuak aktibatzen" ari direla ere azpimarratu dute.
Hala, Gipuzkoako adarrean trenbideak jartzeko proiektua idazteko zereginak esleitu ditu Adifek. Bizkaiko adarrean trenbideak ezartzeko oinarrien proiektua, berriz, lizitazio fasean dago.
Lanen egoera
Ministerioak obrek une honetan duten egoeraren berri ere eman du. Jakinarazi du Gasteiz eta Bilbo arteko adarrean 14 tarte amaitu dituztela. Gainerako bostak amaitzear daudela esan du, tartean, Bergarako lotunea osatzen duten sei tarteetatik hiru.
Eusko Jaurlaritzak egikaritu zuen Gipuzkoako adarra amaituta dago.
Bestetik, Bilborako sarrerako proiektuekin eta Abandoko geltokiaren berrikuntzarekin lanean ari direla jakinarazi du. Astigarraga-Irun tartean, aldiz, hirugarren trenbidea dagokion zabalerara egokitzen ari dira eta Irungo geltokia eraldatu eta handitzeko lanean ari dira.
Horrez gainera, Astigarragan geltokia egin ahal izateko, Eusko Jaurlaritzarekin hitzarmena sinatzeko baimena eman du Espainiako Gobernuak eta Arkautiko lotunea eraikitzeko 181 milioli euro Jaurlaritzari bideratzeko agindua sinatu du.
Azkenik, jakinarazi du Adifek argitaratu duela Burgos eta Gasteiz arteko abiadura handiko linea eraikitzeko lanen eskaintza; alegia, Euskal Y-a deiturikoa Espainiako abiadura handiko linearekin lotuko duen tartea.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.