Villavesetako langileek greba mugagabea hasi dute sanferminen atarian
Lehen greba egunaren jarraipena erabatekoa izaten ari da eta gutxieneko zerbitzuak ere betetzen ari dira. Atzo egindako bozketan, langile gehienek grebari eustea babestu zuten, TCC enpresak mahai gainean jarritako azken proposamena atzera botata. Sindikatuak negoziatzen jarraitzeko prest agertu dira, baina enpresak esana du lanuztea martxan dagoen bitartean ez dela hitz egitera eseriko.
Sanfermin jaiak abiatzeko bost egun falta direla, Iruñeko eta Iruñerriko garraio-zerbitzu publikoa —villavesa izenez ezagunak— kudeatzen duen Transports Ciutat Comtal (TCC) enpresako langileek greba mugagabea abiatu dute. Atzoko bozketan, atzera bota zuten zuzendaritzaren azken proposamena eta iragarritako lanuzteari eustea erabaki zuten.
Lehen greba eguna erabateko jarraipena izaten ari da, eta ezarritako gutxieneko zerbitzuak ere betetzen ari dira enpresa batzordeko iturriek adierazi dutenez. Halaber, eguna “aurreikusi bezala” doala eta erabiltzaileek egoera ulertzen dutela nabarmendu dute langileen ordezkariek.
Berez, atzo zen hastekoa greba, baina erreferenduma zela eta, egun bat atzeratu zuten. Lan-baldintza hobeen alde, orain hilabete batzuk hasi ziren mobilizatzen villavesetako langileak. Langileen batzordeak jakinarazi duenez, orotara 412 langilek bozkatu dute, eta horietatik 264 agertu dira mobilizatzen jarraitzearen alde; 148, berriz, aurka.
Gauzak horrela, 00:00an abiatu dute greba mugagabea.
Festen atarian, sindikatuek uste dute badagoela tartea gatazka bideratzeko eta negoziatzen jarraitzeko prest agertu dira. Bere aldetik, enpresak esana du ez dela hitz egitera eseriko, greba martxan den bitartean.
ZERBITZU MINIMOAK
Greba deialdia dela eta, Iruñerriko Mankomunitateak ezarritako zerbitzu minimoak honakoak dira:
- Sanferminetan (uztailaren 6tik 14ra): zerbitzuen % 70 egun osoan.
- Sanferminen atariko egunetan (uztailaren 2tik 4ra): zerbitzuen % 60, puntako orduetan (6:30-09:30, 13:00-15:30 eta 17:00-20:30). Zerbitzuen % 40, gainerako orduetan (09:30-13:00, 15:30-17:00 eta 20:30-22:30).
- Uztailak 5: zerbitzuen % 60, egun osoan.
Ekonomiari buruzko albiste gehiago
Barajaseko aireportuan kaosa, tentsioa eta ilarak, pasaporteen kontrolaren sarreran
Espainiako Barne Ministerioak azaldu du dagoeneko konponduta dagoen "arazo informatiko puntual" baten ondorio izan dela. Oso denbora laburrean hainbat hegaldi pilatu dira, eta ehunka bidaiarik hegaldiak galdu dituzte.
Etxanobek nabarmendu du tasa turistikoaren foru araua udalek adostutakoan onartu egingo dela
Radio Euskadin egin dioten elkarrizketan Bizkaiko ahaldun nagusiak azaldu duenez, aspaldidanik ari dira tasa turistikoa ezartzeko lanean eta azpimarratu du aldundiek onartu aurretik udalak bat etorri behar direla.
Ia 2.000 langabe gutxiago zenbatu ziren ekainean Hego Euskal Herrian
Joan den hilean 103.391 pertsona zeuden lanik gabe Euskal Autonomia Erkidegoan, eta 28.228, Nafarroan; hurrenez hurren, % 1,21 % eta % 2,52 egin du behera langabeziak bi erkidegootan.
Albiste izango dira: Cabify Bilbon, villavesetako langileen greba mugagabea eta Uda Ikastaroak
Gaurkoan albiste izango direnen laburpena, bi hitzetan.
Cabify VTC zerbitzua eskaintzen hasi da Bilbon
Cabify Espainiako garraio-enpresa Euskadin zerbitzua ematen hasi da gaur, Bilbon eta inguruan. Aurrerantzean, Uberrekin batera eskainiko du VTC zerbitzua Bizkaiko hiriburuan. Gauzak horrela, taxien sektorearekin tentsioa agerikoa da.
Sabadellek TSB Erresuma Batuko filiala saldu dio Santander bankuari
Sabadelleko administrazio kontseiluak Santander UKren eskaintza onartu du (Barclaysen eskaintzari gailendu zaio), baina Kataluniako bankuak akziodunen ezohiko batzarra deitu beharko du salmenta babesteko, BBVAren erosketa eskaintzan murgilduta baitago.
Jaurlaritzak tasa turistiko bat ezartzeko eztabaida abiarazi du foru ogasunekin
Turistak etortzeak “Euskadirako hobekuntza bat” ekartzea nahi du Turismo sailburuak, eta “lehenbailehen” ezartzea espero du. Hala ere, Javier Hurtadok gehitu duenez, "denok dakigu, eskarmentuaz, foru ogasunak azkarrak izan daitezkeela zenbait gaitan, eta beste batzuetan agian ez hainbeste".
Sidenorrek Israeli altzairua saltzeari utzi dio, Espainiako Gobernuaren erabakiaren ildotik
Palestinaren aldeko erakundeek siderurgia-taldearen aurka salaketak jarri dituzte. Kontrabando delitua leporatzen diote, Bartzelonan materiala kargatzeko zain dagoen itsasontzi bat dela eta. Salaketetako bat Auzitegi Nazionalean jarri dute.
Egun erabakigarria villavesen gatazkan: TCC enpresaren azken proposamena bozkatzen ari dira langileak
Bozketa goizean hasi da, eta gauerdia igarota amaituko da, azken txandakoek bozkatzen dutenean. Orduan jakingo da grebari eutsiko dioten ala ez.