Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
Emakume bat, ostalaritzan lan egiten, Donostian. Argazkia: EFE
Abuztuan langabe-kopurua % 3,98 igo da EAEn (uztailean baino 4.178 pertsona gehiago), Espainiako Lan eta Gizarte Ekonomia Ministerioak eta Eusko Jaurlaritzak astearte honetan zabaldu dituzten datuen arabera. Gauzak horrela, Euskadik 109.169 langabe ditu enplegu publikoko bulegoetan izena emanda.
2024ko abuztuarekin alderatuta, 2.194 langabe gutxiago izan dira aurtengo abuztuan.
Gizarte Segurantzako afiliazioa-kopuruari dagokienez, Euskadin, abuztuan, uztailean baino 16.505 pertsona gutxiagok eman dute izena (-% 1,1), Espainiako Gizarteratze, Gizarte Segurantza eta Migrazio Ministerioak astearte honetan argitaratutako datuen arabera.
Nafarroako Foru Komunitatean, ordea, 150 langabe gutxiago izan dira abuztuan, hau da, aurreko hilean baino % 0,53 gutxiago. Guztira, 28.390 langabe daude. Aurreko urteko hilabete berarekin konparatuta, jaitsiera % 3,46koa izan da, hau da, 1.017 langabe gutxiago.
Espainiako Estatua
Espainiako Estatuan % 0,91 igo da langabezia-tasa (21.908 langabe gehiago), baina 145.610 langabe gutxiago zenbatu dira urtearteko tasari erreparatuta (-% 5,66). Hortaz, 2.426.511 langabe daude Espainia mailan, 2007az geroztik abuztuan izandako mailarik txikiena.
Langabezia-tasaren beherakadarik handienak Gaztela-Mantxan (-1.047 pertsona), Kanarietan (-873 pertsona) eta Nafarroako Foru Erkidegoan (-150 pertsona) izan dira. Bestalde, Katalunian (7.942 pertsona), Madrilen (4.214 pertsona) eta Euskadin (4.178 pertsona) izan dira langabeziaren igoerarik handienak.
Eusko Jaurlaritzaren balorazioa
Alfonso Gurpegui Eusko Jaurlaritzako Enplegu eta Gizarteratzeko sailburuordea Euskadiko datuen gainean mintzatu da, eta esan du hil honetan "ohikoa" dela "urtaroko gorakada", eta azpimarratu du urtearteko datuei begiratuta 2.194 lagun gutxiago daudela lanik gabe, hau da, "aurreko urteko aldi berarekin alderatuta, % 1,97 jaitsi da".
Sailburuaren aburuz, jaitsiera bereziki esanguratsua izan da emakumezkoen kasuan (% 2,05), "langabezian genero-arrakala murrizten ari den seinale". Halaber, nabarmendu du iraupen luzeko langabeziak "hobera" egin duela; izan ere, 2024ko abuztuarekin konparatuta, 1.165 langabe gutxiago daude (-% 2,18).
Zure interesekoa izan daiteke
Tubos Reunidosek konpainia "birdimentsionatzea ezinbestekoa" dela azpimarratu du
Enpresak bere eskaintzari eutsi dio asteazken honetako bileran: 59 urtetik aurrerako aurre-erretiroak eta sustatutako bajen eskaintzan, urteko 38 egunekin.
Zer eragin izango du Ekialde Hurbileko egoerak argindar-fakturan?
Baliteke gasa argia baino gehiago garestitzea, eta kontratu motaren araberakoa izango da. Tarifa finkoa duten etxeek ez omen dute berehalako aldaketarik nabarituko. Araututako tarifa dutenek, berriz, arrisku handiagoa izango lukete.
Konpondu da txartel bidez ordaintzeko izan diren arazoak
Intzidentziak lehen ordutik izan du eragina, eta arazoak sortu dira establezimenduetan zein erabiltzaileen artean. Arazoa konpondu da jadanik.
India, aukera ugariko herrialdea euskal makina-erremintarako
Nazioarteko testuingurua benetan zaila den honetan, makina-erremintaren sektoreak aire freskoa bilatzen du geldirik dagoen Europatik eta aurkari bihurtu den Txinatik urrun. Estatu Batuetako merkatua birika nagusia izanik, sektoreak bi gune nagusi ditu helburu: India eta Mercosur.
Denboraldiko lehen antxoa euskal portuetara iristen hasi da
Sasoiko lehen antxoak euskal portuetara iritsi dira, kostera hasi eta hurrengo egunean. 20 tona sartu dira, esaterako, Getariako portuan. Orain ikusi behar zenbatean saltzen duten kiloa arraindegietan, eta uste bezain gozo ote dagoen.
EAEn 1.100 langabe gutxiago izan dira otsailean, baina Nafarroan langabeziak zertxobait egin du gora
Hego Euskal Herrian 137.000 langabe inguru daude.
Petrolioaren prezioak % 3 inguru egin du gora, eta burtsetan jaitsierak izango dira, Iranen aurkako erasoen ondorioz
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europako erreferentzietako bat, hilabeteko epean entregatzeko gasaren prezioa % 22 gehiago igo da, 53,14 dolarreraino.
EAEko enpresek 1.130 milioi euro esportatu zituzten Ekialde Erdikora 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Erdikoko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.