Kongresuak atzera bota du lanaldia murrizteko proiektua, PP, Vox eta Juntsen botoekin
Hiru alderdion baturari esker, Yolanda Diaz Lan ministroaren legealdiko proiektu izarrak bere bidea amaitu du Kongresuan. Bere hitzartzean, gogor mintzatu da Sumarreko burua, bereziki Juntsen aurka, eta ohartarazi du "borroka hau kalean irabazita" dagoela.
Aurreikusitakoa bete da. Tentsio handiko eztabaida-saio baten ondoren, PP, Vox eta Junts alderdien osoko zuzenketek aurrera egin dute, eta Kongresuak atzera bota du lanaldia 40tik 37,5 ordura murrizteko lege-proiektua. Modu horretan, Yolanda Diaz Espainiako Gobernuko bigarren presidenteordearen eta Lan ministroaren legealdi honetako proiektu izarra behar zuenak porrot egin du, bere lehen saiakeran.
Testu banatan aurkeztu dituzte euren zuzenketak aipatutako alderdiok, eta hirurek eskatu dute proiektua Gobernuari itzultzea. Azkenean, bozketa bakarra egin da, eta PP, Vox eta Juntsen botoei UPNrena batu zaie; PSOE, Sumar, ERC, PNV, EH Bildu, Podemos, BNG, Coalicion Canaria eta Talde Mistoko diputatuek aurka bozkatu dute; eta ez da abstentziorik egon. Modu horretan, zuzenketen aldeko botoak 178 izan dira, eta kontrakoak, 170.
Bere hitzartzean, gogor mintzatu da Sumarreko burua, bereziki, Juntsen aurka, eta ohartarazi du "borroka hau kalean irabazita" dagoela. Patronalaren eta aberatsen alde egitea leporatu dio alderdi kataluniarrari, eta esan dio ez duela independentismoa ordezkatzen.
Diazek ziurtatu bere departamenduak testua berriro landu eta Kongresura eramatea lortuko duela, eta Juntsi eskatu dio "elkarrizketara itzultzeko", langileen kontra aritu beharrean.
CC.OO. eta UGT sindikatuekin adostu zuen Espainiako Gobernuak proiektu hau, eta bi zentral horiek gogor kritikatu dute atzera bota izana. Elkarretaratzea egin dute, gaur, Kongresuaren atarian, barruan eztabaidan ari ziren bitartean.
Zure interesekoa izan daiteke
Sindikatuek LGS propioa, pentsio eta soldata "duinak" edota etxebizitza eskubidea aldarrikatuko dituzte maiatzaren 1eko mobilizazioetan
ELA eta LAB bakoitza bere aldetik aterako dira kalera, ESK eta LSB-USO bezala; CCOO eta UGT, aldiz, elkarrekin mobilizatuko dira. Alderdi politikoek ordezkariak bidaliko dituzte deialdi horietako askotara.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.
Brent upela % 5 baino gehiago garestitu da ostegun honetan, 126 dolarrera ere iritsita
Pasa den otsailaren 28an AEBk eta Israelek Iranen aurkako gerra abiatu zutenetik, Brent upela % 70 baino gehiago garestitu da.
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.