Langabezia tasa % 2,02 jaitsi da EAEn eta % 0,4 Nafarroan, irailean
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (%4,16), Nafarroan. Halaber, abuztutik irailera, Euskadiko Gizarte Segurantzak 11.475 afiliatu irabazi ditu, aldiz, 719 pertsona gutxiago daude pertsona daude Gizarte Segurantzan izena emanda Nafarroan.
Irailean 2.200 langabe gutxiago (% 2,02) zenbatu dituzte Euskal Autonomia Erkidegoan (EAE) eta 10 gutxiago Nafarroan (% 0,04), abuztuarekin alderatuta, Lanbidek eta Espainiako Lan eta Gizarte Ekonomia Ministerioak ostegun honetan zabaldutako datuen arabera.
2024ko iraileko datuen aldean, 1.027 langabe gutxiago (% 0,95) daude EAEn eta Nafarroan, 1.232 gutxiago (% 4,16).
EAEn langabezia gehien jaitsi den lurraldea Gipuzkoa izan da, % 3,43 (1.006 pertsona gutxiago), Bizkaiaren aurretik, % 1,81 (1.110 gutxiago). Aitzitik, Araban 84 langabe (% 0,46) gehiago zenbatu dituzte.
Iazko irailarekin alderatuta, Bizkaian % 1,75 jaitsi da langabezia (1.072 pertsona) eta % 0,41 Gipuzkoan (117 pertsona). Araban urte arteko bilakaera ere negatiboa izan da, izan ere, 162 pertsona gehiago daude (% 0,89) lanik gabe.
Espainiako Estatuan, % 0,20 egin du behera langabeziak, aurreko hilabetean baino 4.846 pertsona gutxiago baitaude lanik gabe. Azken urtebetean langabezia % 5,97 jaitsi da, iazko urrian baino 153.620 langabe gutxiago baitaude Espainiako enplegu bulegoetan izena emanda. Guztira, 2.421.665 daude lanik gabe.
Afiliazio datuak
Guzarte Segurantzan 11.475 afiliatu irabazi ditu Euskadin irailean, abuztuarekin alderatuta, Espainiako Enplegu eta Gizarte Segurantza Ministerioak gaur zabaldutako datuen arabera. Abuztuan, 16.505 afiliatu galdu zituen. Gauzak horrela, Gizarte Segurantzako afiliatuen kopurua milioi bat pertsonatik gorakoa da oraindik ere EAEn: 1.018.270 pertsona.
Bestalde, 719 afiliatu (% 0,23) galdu ditu Nafarroako Gizarte Segurantzak. Gauzak horrela, guztira, 314.365 pertsona daude Gizarte Segurantzan izena emanda Nafarroan.
Ekonomiari buruzko albiste gehiago
Lan eskaintza publikoetan euskara blindatzen duen EAJren proposamenak aurrera egin du EH Bilduren babesarekin
Lege-proposamenaren arabera, administrazio publiko bakoitzak erabakiko du euskararen eskakizun-maila bere lan-eskaintza publikoetan, auzitegietan errekurtsorik ez jartzeko.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.