Albiste izango dira: Palestinaren aldeko lanuzteak, Abalos, epailearen aurrean eta Euskal Herriko Pintxo Txapelketako finala
Gaurkoan Orain-en albiste izango direnen laburpena, bi hitzetan.
Honako gai hauek hartuko dituzte gaur, 2025eko urriaren 15ean, hedabideetako lerroburu nagusiak:
- Palestinaren aldeko lanuzteak: Sindikatuek Palestinako genozidioa salatzeko deitutako lanuzteetan parte hartzeko deia egin dute. Nahiz eta Egipton Gazarako bake plana sinatu duten, sindikatuek lanuzteak mantentzea erabaki dute. Lanuzteak txanda bakoitzeko hiru eta lau ordukoak izango dira, deialdien arabera.
- Abalos, epailearen aurrean: Jose Luis Abalos Espainiako Gobernuko ministro ohi eta PSOEko Antolakuntza idazkari izandakoak hitzordua du, 10:00etan, Auzitegi Gorenean. Azalpenak entzun ondoren ez da baztertzen Leopoldo Puente magistratuak bere espetxeratzea agintzea.
- Euskal Herriko Pintxo Txapelketako finala: 8 pintxo lehiatuko dira, 09:30etatik aurrera, Hondarribian egiten ari diren XX. Euskal Herriko Pintxo Txapelketako finalean.
Ekonomiari buruzko albiste gehiago
Milaka lagun kalera atera dira Hego Euskal Herrian, Gazako genozidioa salatzeko
Milaka pertsonak parte hartu dute Hego Euskal Herrian sindikatuek eta hainbat gizarte taldek Palestinako herriari babesa adierazteko eta Israelek Gazan egindako genozidioa salatzeko asteazken honetarako deitu dituzten lanuzteetan eta mobilizazioetan.
Mobilizazio jendetsuak egin dituzte Bilbon, Donostian, Gasteizen eta Iruñean, Palestinaren alde
LAB, CCOO, UGT, Steilas, ESK, CGT/LK, Etxalde eta Hiru sindikatuek manifestazio bateratuak egin dituzte hiriburuetan eguerdiko 12:30ean. ELAk, bere aldetik, mobilizazioak deitu ditu Hego Euskal Herriko lau hiriburuetan, 11:45ean hasita.
Irailean, urtearteko KPIa % 3,3raino igo da EAEn, eta % 2,8raino, Nafarroan
Espainiako Estatuan, urtebeteko inflazioa hiru hamarren hazi da, % 3raino.
Grebak enpresetan, zerbitzu publikoetan eta Hezkuntzan izan duen jarraipen "zabala" nabarmendu dute sindikatuek
Iturri sindikalen arabera, lanuzteek "eragin handia" izan dute industrian, bereziki Gipuzkoan eta Bizkaian, eta "zertxobait txikiagoa", beste sektore batzuetan.
Palestinako genozidioa salatzeko lanuzteetan parte hartzeko deia egin dute sindikatuek
ELAk txanda bakoitzeko 4 orduko lanuzteak proposatu ditu. LAB, CCOO, UGT, Steilas, Esk, CGT, Etxalde eta Hiru sindikatuek deialdi bateratua egin dute eta 3 ordu proposatu dituzte. Hala ere, Hezkuntzan greba orokorra deitu da.
Bankuan akzioak dituzten Sabadellen bezeroen % 2,8k onartu dute BBVAren eskaintza
Akziodun horiek Sabadell bankuaren kapitalaren % 1,1 ordezkatzen dute. Kataluniako bankuak azaldu duenez, bezero diren akziodun txikiak kapitalaren % 30,8ren jabe dira.
Euskadik 20 mila milioi euro baino gehiago bilduko du estreinakoz
Finantzen Euskal Kontseiluak aspaldian jarritako helburu muga, beraz, gaindituko da, ekonomiaren ziurgabetasunak markaturiko garaia izanagatik ere. Iaz baino % 9,4 gehiago bilduko dute EAEko ogasunek.
Euskal gazteria ia 30 urterekin emantzipatzen da, Europako batez bestekoa baino 4 urte beranduago
Gazteen Euskal Behatokiak egindako azken ikerketaren arabera, emakumezkoak gizonezkoak baino ia urtebete lehenago emantzipatzen dira.
Palestinaren aldeko lanuzteerako ezarritako gutxieneko zerbitzuak
Lan Sailak sinatutako aginduan funtsezko sektoreetan mantendu beharreko funtsezko prestazioak ezartzen da, hala nola osasuna, garraioa, hezkuntza, gizarte-zerbitzuak, energia eta justizia.