Maderas de Llodioko langileek itxialdia egin dute udaletxean kaleratzeen aurka
Gau osoa iraun duen "ekintza sinbolikoa" amaituta, Eusko Jaurlaritzari eta Arabako Foru Aldundiari eskatu diete martxan jar ditzatela Aiaraldea biziberritzeko planak, eta borroka egiten jarraituko dutela hitzeman dute. Bilera bat egiteko deia ere luzatu diote Aldundiari.
Maderas de Llodioko langileek itxialdia egin dute bart Laudioko udaletxean, erakunde publikoen esku-hartzea eskatzeko, Garnica enpresak 35 langile kaleratzeko asmoa iragarri ostean. Enpresaren jabeak ekoizpenaren % 40 eramango du Aiaraldetik.
Ostiral arratsaldean, manifestazio jendetsua egin zuten Laudioko kaleetan, Maderas de Llodioko enpresa-batzordeak deituta, "erakundeen gelditasuna" salatu eta "Maderas de Llodioko eta Aiaraldeko enpleguaren defentsa" aldarrikatzeko.
Amaieran, langileek ohar bat irakurri zuten, eta Garnica enpresari kaleratzeak "modu zikin eta arduragabean" egitea egotzi zioten, hilabete luzeko grebaren ostean, eta enplegua erregulatzeko espedientearen kontsulta-epea amaitu eta gero. "Kaleratze-gutunik eta abisurik gabe. Kalean geratzen zirela jakinarazi diete, bankuko kontuetan diru-sarreren (edo diru-sarrera ezaren) bidez", aurpegiratu zioten Garnicari.
Maderasen kaleratzeak eta ekoizpena kanpora eramatea onartzen ez dutela azpimarratu ostean, Eusko Jaurlaritzaren eta Arabako Foru Aldundiaren jarrera "pasiboa" salatu zuten, baita "herritarrekiko eta eskualdearen defentsarako erantzukizunik eza" ere, langileen beharrei eta aldarrikapenei "entzungor" egiteagatik.
Hori dela eta, Aiaraldearen etorkizun "duin" baten alde kalera ateratzeko unea dela nabarmendu zuten. "Ez gara besoak gurutzatuta geratuko, gure eskuzabaltasuna ez delako kaleratzeak, enpresa desegitea eta deslokalizazioa onartzea, baizik eta kaleratutako langileen aldamenean egotea", adierazi zuten.
Ildo beretik aritu dira gaur goizean itxialdiaren ostean emandako prentsaurrekoan. Protestetan alboan izaten ari diren guztiei esker ona agertu eta gero, Eusko Jaurlaritzaren edo Arabako Foru Aldundiaren partetik ez dutela irtenbide proposamenik jaso salatu dute.
Gainera, "gure eta eskualdearen egoeraren erantzuleak eta konplizeak" izatea egotzi diete erakunde horiei, eta Aiaraldea biziberritzeko planak "behingoz" martxan jartzeko eskatu diete.
Zure interesekoa izan daiteke
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.