"Jarraipen zabala" izan dute EHUko "infrafinantziazioaren" aurkako lehen mobilizazioek
Unibertsitate publikoko sindikatuek mobilizazio kanpaina bat hasi dute Eusko Jaurlaritzari "beharrezko finantzaketa" bat eskatzeko eta errektoretzako taldeari "jarrera irmoa" izan dezala eskatu diote.
Elkarretaratzea Leioako campusean. Argazkia: EITB.
LAB, Steilas, ELA eta CGT-LKN sindikatuek mobilizazio-kanpaina bat hasi dute astelehen honetan, Euskal Herriko Unibertsitateak (EHU) pairatzen duen "azpifinantzaketa" salatzeko eta unibertsitate publikoarentzako "baliabide gehiago" eskatzeko. Era berean, errektoretza-taldeari eskatu diote "jarrera irmoa izan dezala unibertsitate publikoak behar duen finantziazioa lortzeko". Lehenengo mobilizazioa Leioako campusean egin dute eta, deitzaileek azaldu dutenez, "jarraipen zabala" izan du.
2026ko euskal aurrekontuak Eusko Legebiltzarrean onartzeko zorian dauden honetan, sindikatuek "ezinbestekotzat" jo dute "unibertsitate publikoak pairatzen duen azpifinantziazioa berriro agerian uztea". Haien iritzian, "LOSUk ezarritako BPGaren % 1era iristetik oso urrun" egoten jarraitu du.
Alde batetik, salatu dutenez, EHUko irakasle eta ikertzaileen soldatek 2008tik "% 24,3ko galera" izan dutela salatu dute eta jakinarazi dute 2006an soldatak "duintzeko" sortu ziren osagarriek "izoztuta jarraitzen" dutela. Gainera, kritikatu dute "prekarietate-egoera jasanezinak "mantentzen direla. Hala, lan-egun partzialak dituzten irakasleek 400 eta 800 euro artean kobratzen jarraitzen dutela azaldu dute, egiten dituzten ezinbesteko jardueretako batzuk aitortu gabe".
Bestetik teknikarien, kudeaketaren eta administrazio eta zerbitzuetako langileen kasuan, azken 15 urteetan erosteko ahalmenaren galera % 18,2koa izan dela jakinarazi dute. "Zerbitzu eta unitate askok langile gehiago behar dituztenez, gero eta zailtasun gehiago daude ordezkapenak betetzeko", ohartarazi dute.
LABek, Steilasek, ELAk eta CGT-LKNk azpimarratu dute ordainsari-maila txikiena duten lanpostuak berrikusi egin behar direla "soldata-baldintza duinak eta bizitzaren benetako kostuarekin bat datozenak bermatzeko".
Jarrera irmoa
Bestetik, errektoretza-taldeari deia egin diote. EHUrentzat "beharrezkoa den finantzaketa lortzeko jarrera irmoa izateko" eskatu diote eta "gizartearen zerbitzura dagoen unibertsitate publiko baten beharrei erantzungo dien finantzaketa defendatzeko ardura" duela gogorarazi diote.
Langileen ordezkarien iritziz, unibertsitate publikoarekiko "nahita egindako utzikeria" dago, eta ondorioz, ez dago aukerarik "EHUk dituen gabezia endemikoei aurre egiteko". Era berean, Eusko Jaurlaritzak "unibertsitate pribatuei alfonbra gorria jartzen diela" kritikatu dute, "unibertsitate hezkuntzaren eredu elitista bat sustatuz".
Leioako campusean egindako lehen mobilizazioen ondoren, asteartean Donostiako campusean mobilizatuko dira, asteazkenean Gasteizen eta ostegunean Eusko Jaurlaritzak Bilbon duen ordezkaritzaren aurrean.
Zure interesekoa izan daiteke
Makina-Erremintaren Nazioarteko Azoka, euskal industriaren sendotasuna erakusteko topagunea
Euskal industriaren sendotasuna erakusteko eta merkatu berriak topatzeko aukera izango dute Makina-Erremintaren Nazioarteko Azokan parte hartzen duten enpresek. 34 herrialdetako 3.350 produktu eta zerbitzu berritzaile aurkeztuko dituzte, gehienak makinak.
Makina-Erremintaren Nazioarteko Azokak digitalizazio, automatizazio eta robotika proiektu handizaleak erakutsiko ditu BECen
Martxoaren 2tik 6ra, bost egunez, 1.503 erakusketari eta 3.350 produktutik gora egongo dira bertan. Gainera, nazioarteari egingo diote azpimarra aurtengo edizioan, 70 herrialdetatik iritsitako bisitariak bilduko baititu.
Dermatosi nodularraren aurkako txertaketa Bizkaira eta Arabara zabaltzeko eskatu du berriro Jaurlaritzak
Espainiako Nekazaritza, Arrantza eta Elikadura ministroari gutuna igorri dio Amaia Barredo sailburuak. Bertan esan dionez, azken fokuaren eta EAEren arteko distantzia txikitu egin da, eta, hortaz, gaixotasuna gure lurraldean zabaltzeko arriskuak gora egin du.
Gipuzkoako zahar-etxeetako erabiltzaileen senideek grebaren ondorioak salatu dituzte
Gipuzkoako zahar-etxeetako adinekoek jasotzen duten zaintza gero eta prekarioagoa dela salatu dute adinekoen senideek. Gipuzkoako egoitza eta eguneko zentroetako langileek 110 egun daramatzate greban, hitzarmen berri baten alde.
Beste hiru greba egun deitu dituzte martxorako eskola jantokietan
Lanuzteak martxoaren 10ean, 11n eta 12an egingo dituzte, gaur egun negoziazioetan duten "blokeo" egoera dela eta.
Gipuzkoako erresidentzietako langileen itxialdia Donostiako Emakumeen Etxean
ELAk deituta, Gipuzkoako adinekoen egoitzetako ehun bat langile Donostiako Emakumeen Etxean itxialdia egiten ari dira atzotik, babes soziala lortzeko eta lan-gatazkan Gipuzkoako Foru Aldundiak "berehala esku-hartzea" eskatzeko.
Lanera ez joatea erabaki dute Petronorreko hainbat langilek bentzenoaren eraginpean ez egoteko
ELAko iturriek adierazi dutenez, nahiz eta Eusko Jaurlaritzak inguruko herritarrei prebentzio-neurriak hartzea gomendatu, enpresak ez die beharginei inolako segurtasun jarraibiderik eman. LABek, bestalde, Petronorri eskatu dio geldi dezala lantegiaren jarduna, intzidentzia konpondu bitartean.
Tubacexek % 30 murriztu ditu irabaziak 2025ean, 15,9 milioi euro irabazi baititu
Salmentak % 6,3 jaitsi dira, 719,3 milioiraino. Hala ere, enpresak esan du eutsi egin diola "merkatuaren ahultasun orokorraren inguruneak" asko markatu duen urtean, "eredu integratuan, dibertsifikazio geografikoan eta balio erantsi handiko hainbat sektore eta nitxotan duen presentzian oinarritutako estrategiari esker", horrek "muga-zergen ziurgabetasunaren inpaktua arintzen" lagundu baitu.
Tubos Reunidoseko langileak Bilbon mobilizatu dira, lan-erregulazioko espedientearen bileran batzordeari laguntzeko
Zuzendaritzak eskaintza berria aurkeztu du, langileek borondatezko bajak onar ditzaten, eta batzordeak bere jarrera berretsi du, enpresak enplegu-erregulazioko espedientea atzera bota dezan. 300 langilek baino gehiagok parte hartu dute protestan.
Bilboko Portuak 77 milioiko fakturazioa izan zuen 2025ean, % 0,3 gehiago
Ivan Jimenez Bilboko Portu Agintaritzako presidenteak jardueraren balantzea aurkeztu du ostegun honetan, eta egoera ekonomikoa onbideratutzat jo du. Horri esker, portu-tasak izoztuta mantenduko dira.