Balenciaga ontziolako langileek eta Abu Dhabi Ports talde arabiarrak konpainiaren geroa bermatu dute, soldataren inguruko akordioa erdietsita
Langileekin akordioa lortzea ezinbesteko baldintza zen ontziola erosteko. Adostutakoaren arabera, soldatak % 5 jaitsiko dizkiete beharginei, baina hori onartuta, talde arabiarrak Zumaiako ontziola erosi ahalko du, 11,2 milioi euroren truke.
Zumaiako ontziola, artxiboko argazki batean. Irudia: EFE
Badago akordioa. Abu Dhabi Ports talde arabiarrak eta Balenciaga ontziolako langileek soldaten inguruan ados jartzea lortu dute, eta, horrenbestez, azaroan salmenta egiteko hitzartutako protokoloa gauzatu egingo da. Hala, Zumaiako ontziolak bermatuta du geroa.
Salmenta gauzatzeko, ezinbestekoa zen talde arabiarrak eta langileek akordioa adostea.
Enpresa batzordearen iturriek jakinari dutenez, talde arabiarraren azken proposamena (duela bi egun atzera bota zuten berbera) da onartu dutena: soldatak % 5 jaistea eta hurrengo hiru urteotan lansariak izoztuta gelditzea. 2028tik aurrera, bonus sistema bat negoziatuko dute bi aldeek. "Oraindik ez dugu zehaztu nolakoa izango den", aitortu du David Tejera enpresa batzordeko presidenteak (CCOO). Langileek batzarrean onartu dute ituna, eta talde arabiarrak gauza bera egingo duelakoan daude.
Tejeraren ustez, akordioak "mesede" egingo dio Zumaiako herriari eta Gipuzkoako ekonomiari. "Konpainia martxan jarriko dugu berriro, hori zen gure helburua. Langileak zoriondu nahi ditut egindako esfortzuagatik", azpimarratu du.
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak "oso positibotzat" jo du akordioa. Ohar bidez azaldu duenez, negoziazioen "soka asko tenkatu da azken asteetan, baina ez da inoiz hautsi". Hori dela eta, eskerrak eman dizkie bi aldeei, euren "konpromisoagatik".
Iñaki Ostolaza Zumaiako alkatea (EH Bildu) ere pozik agertu da ituna lortu delako, eta negoziazioan parte hartu duten guztiak, bereziki langileak, zoriondu ditu egindako lanagatik.
Azkenik, Marisol Garmendia Espainiako Gobernuak EAEn duen ordezkariak ituna txalotu du. Horren esanetan, negoziazioa "prozesu luzea" izan da, eta Espainiako Gobernuak oso aktiboki hartu du parte.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.