Sanchezek Espainiako funts subirano bat iragarri du, 10.500 milioikoa, 120.000 milioi mobilizatzeko xedea duena
Funts horren bidez, Espainiako presidenteak eraldaketa energetikoa, trantsizio digitala, giza kapitalaren aldeko apustua eta berrindustrializazioa bultzatu nahi ditu Estatuko lurralde guztietan.
Pedro Sanchez Espainiako Gobernuko presidentea, Spain Investors Day jardunaldietan, Madrilen. Argazkia: EFE
Pedro Sanchez Espainiako Gobernuko presidenteak ostegun honetan iragarri duenez, “Espainia hazten ari da” izeneko funts subirano bat sortuko dute, 10.500 milioi eurokoa. Horren bidez, helburua da beste 120.000 milioi euro inguru mobilizatzea, Next Generation funts europarren bidez lortutako bultzadari eusteko.
Sanchezek iragarpena egin du Spain Investors Day jardunaldiari amaiera emateko hitzaldian. Bertan, Espainiako ekonomiaren egoera eta hainbat arlotan dauden aukerak aztertu ditu, hala nola defentsan, segurtasunean, osasunean eta arlo digitalean.
Gobernuburuak adierazi du Espainiak bizi duen eraldaketa ez zatekeela posible izango koronabirusaren pandemiaren ondorioz Europar Batasunean bultzatutako Next Generation funtsik gabe, eta, haren ustez, funts horiek agerian utzi dute Europa “handia” dela “ausartzen denean, beldurrik ez duenean eta argi hitz egiten duenean”.
Hala ere, funts horiek aurten amaituko dira, eta egoera horren aurrean Espainiako Gobernua bere etxeko lanak egiten hasia dela azaldu du, bultzada eraldatzaileari eutsi nahi diolako.
Testuinguru horretan, iragarri du datorren astelehenean Carlos Cuerpo Ekonomia ministroarekin batera aurkeztuko dutela funts subiranoaren sorrera. Horren helburua da 2026tik aurrera Berreskuratze eta Erresilientzia Planaren bultzada erreformista zabaltzea.
Sanchezen esanetan, eraldaketa energetikoa, trantsizio digitala, giza kapitalaren aldeko apustua eta berrindustrializazioa lurralde guztietara hedatu behar dira.
Funts berria ICOk kudeatuko du, eta Next Generation funtsen 10.500 milioi euroko oinarritik abiatuta, zor pribatuaren eta inbertitzaile nazional zein nazioartekoen bidez 120.000 milioi euro inguru mobilizatzea aurreikusten da.
“Espainia hazten ari da” funtsak sektore pribatuarekin batera inbertituko du, maileguen, abalen edo kapital-tresnen bidez, ekonomiaren produktibitatea hobetzeko funtsezkotzat jotzen diren bederatzi sektoreri lehentasuna emanez: etxebizitza, energia, digitalizazioa, adimen artifiziala, berrindustrializazioa, ekonomia zirkularra, azpiegiturak, ura eta saneamendua, eta segurtasuna.
Zure interesekoa izan daiteke
Volkswagenek 50.000 lanpostu gehiago murriztuko ditu, erdiak Alemanian eta gainerakoak Europan
Volkswagen taldeak krisia bizi du, Txinako fabrikatzaileek Europan lehia gogortu, Txinan salmentak jaitsi eta AEBko muga-zergen ondorioz.
Lehorteak kaltetutako nekazarientzako laguntzak iragarri ditu Frantziak
Nekazarien ordezkariak datorren astean bilduko dira Frantziako Nekazaritza Ministerioarekin, euren eskaerak helarazteko. Lehortearen eta beroaren eragina arlo ekonomikoan nabaritzen ari da, baina baita fisikoan eta mentalean ere.
Ardogile bat hil da Lantziegoko upategi batean izandako istripuan
Ezbeharra 12:20 aldera jazo da, eta gertatutakoaren nondik norakoak ikertzen ari dira. Larrialdi-zerbitzuak bertaratu dira, baina ezin izan dute beharginaren bizia salbatu.
Zaballako sei funtzionariok kea arnasteagatik izandako lesioak "prebentzio gabezi larrien" ondorio izan ziren
ELAk jakinarazi duenez, Lan Ikuskaritzaren txosten batek "kausa-ondorio erlazio argia ezartzen du Administrazioaren omisioen eta lan-istripuaren artean".
Zerga-erreforma berriak langileen artean desberdintasunak ekarriko dituela salatu du ELAk
Euskadi Irratian egindako elkarrizketan Mitxel Lakuntza ELAko idazkari nagusiak kritika gogorra egin dio EAJk eta PSEk aste honetan iragarritako zerga-erreformarako akordioari, enpresen mesedetarako egin dela esanez.
Sanchezek AAren inguruko “itun nazional handia” sustatuko du eragile sozial eta politikoekin
Hitzarmenak trantsizioari aurre egiteko beharrezko elementuak ezarri nahi ditu, besteak beste, lan-merkatuan, erregulazio teknologikoan, inbertsioetan eta finantzaketan.
Tubos Reunidos erosteko eskaintzak aurkezteko epea luzatu du konkurtso-administratzaileak
Enpresa erosteko interesa omen dute hainbat eroslek. Hortaz, irailaren 30era arte luzatu du enpresaren informazioa eskuratzeko epea, eta urriaren 7ra arte eskaintzak aurkeztekoa.
Medikuen sindikatuek greba mugagabea egitea erabaki dute
Oraindik ez da zehaztu noiz eta nola egingo duten protesta. Dirudienez, iraila baztertu dute greba egiteko. Euskadiko Sendagileen Sindikatuak mobilizazio-deialdiarekin bat egingo du, orain arte bezala.
Langabezia % 2,36 igo da Nafarroan eta % 1,19 Euskadin abuztuan
Langabezia-tasa % 1,19 igo da Araban (210 pertsona gehiago), % 1,13 Bizkaian (677 pertsona gehiago) eta % 1,32 Gipuzkoan (371 pertsona gehiago). Nafarroan, % 2,36 igo da (681 langabe gehiago).
Abeltzaintzaren sektorea "haserre" eta "desengainatuta" irten da Bazkaren Mahaiaren bileratik
Espero zuten bezala, Eusko Jaurlaritzak bazka modu bateratuan erosteari uko egin dio, eta bertan erosteko "nahikoa bazka" badagoela adierazi du. Lehorte egoera ofiziala ezartzeko baldintzak ez direla betetzen azaldu diete. Ondorioz, ENBA eta ENHE sindikatuen arabera, baserritarrak "abandonatuta" utzi dituzte.