Itunpeko hezkuntzako langileak, patronalarekin lortutako akordioak betetzea aldarri
ELAk adierazi du berak deitutako grebarekin bat egin zezaketen langileen herenak lanuztea egin duela. CCOO, Steilas, LAB eta UGT sindikatuek elkarretaratzeak egin dituzte eskola-orduen murrizketari buruzko epaiketa egin den epaitegiaren aurrean.
Gizarte ekimeneko hezkuntzako langileak mobilizazioan egin dituzte astearte honetan Kristau Eskola eta AICE-IZEA patronalei 2024ko otsailean lortutako greba-amaierako akordioa osorik bete dezatela eskatzeko. ELA sindikatuak greba deialdia egin zuen, eta, jakinarazi dutenez, deialdiarekin bat egin zezaketenen herenak egin du.
Sindikatuek patronalak salatu zituzten akordioek hitzarmen maila dutela eta ia bi urte indarrean daudela uste dutelako. Epaiketa gaur egin da, Erkidegoko Justizia Auzitegi Nagusian (EAEAN), eta horren harira egin dituzte grebak eta mobilizazioak.
ELAk ziurtatu duenez, grebak "eragin nabarmena izan du lortutako akordioan jasotako edukiak aplikatzen ez diren zentroetan". Eusko Jaurlaritzak ezarritako "gehiegizko gutxieneko zerbitzuak gorabehera," greba egin zezaketen hiru pertsonatik batek bat egin du deialdiarekin", esan du.
Horrez gainera, 200 bat lagunek parte hartu dute sindikatuak Bilbon deitu duen manifestazioan. Ondoren, Miren Zubizarreta sindikatuaren bozeramaileak patronalen eta Eusko Jaurlaritzaren "utzikeria eta fede txarra" salatu ditu.
Ziurtatu duenez, "langileak epaitegietara joatera behartzen ari dira etengabe". Sindikatuaren ustez, bide horretatik lortu dira aurrerapausoak; esate baterako, "adostutako epean adostutako soldatak ordaintzea".
Bestalde, CCOO, Steilas, LAB eta UGT sindikatuek ez dute grebarekin bat egin, baina elkarretaratzea egin dute Bilboko epaitegien aurrean.
Ordezkariek adierazi dute ez dutela "inolako zalantzarik" epaitegietan jarritako saleta "aldeko epai batekin" amaituko dela pentsatzeko. Izan ere, uste dute grebaren amaierako akordioan "ezin hobeto jasotzen dela, inolako zalantzarik gabe, 2025-2026 ikasturtean ordubeteko eskola-orduen murrizketa aplikatu behar zela".
Lau sindikatuen ustez, murrizketa hori ez betetzea "patronalen fede txarraren enegarren erakusle da". Euren aburuz, akordioa "aplikatuko ez zutela jakinda" sinatu zuten.
Horregatik, patronalaren jokabidearen aurrean, "bide judizialaren eta neurriko ekintza sindikalaren" bideari eutsiko diotela azaldu dute.
Zure interesekoa izan daiteke
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.
KPIaren urtearteko tasa % 3,2ra jaitsi da apirilean, erregaia igo arren, argindarra jaitsi izanak bultzatuta
Erregaiak dira oraindik ere goranzko presio handiena egiten dutenak, Irango gerrak eragindako shockak irauten duen seinale. Hala ere, eragin hori leundu dute, nolabait, elektrizitatearen prezioaren jaitsierak eta Espainiako Gobernuak onartutako neurri fiskalek.
Iberdrolak 1.711 milioi irabazi ditu lehen hiruhilekoan, eta 2026rako mozkin garbi doituaren aurreikuspenak hobetu ditu
Konpainiak urtarrila eta martxoa artean izandako ustiapeneko emaitza gordina (Ebitda) 4.067,1 milioi eurora iritsi da, duela urtebete baino % 9,7 gutxiago.
Patronala absentismoa nola erabiltzen duen salatu dute sindikatuek laneko osasunaren eguneko mobilizazioetan
Sindikatu guztiak irten dira kalera apirilaren 28 honetan. LAB, ESK, STEILAS, EHNE-Etxalde eta HIRU sindikatuek elkarrekin egin dute manifestazioa, Donostian. ELAk, CCOOk eta UGTk euren mobilizazio propioak egin dituzte, Bilbon.
Euskal Herriko hamaika proiektu nabarmendu dituzte Berlinen If Design sari-banaketan
Mundu mailako diseinu-saririk garrantzitsuenak dira If Design golardoak. Bart banatu zituzten, eta Oiartzungo Niessen enpresak urrezko kategoria irabazi zuen. Bestalde, EAEko eta Nafarroako hogei bat proiektu izendatu zituzten.
Langabezia-tasa % 8,23ra igo da EAEn eta % 9,09ra Nafarroan, lehen hiruhilekoan
Iazko lehen hiruhilekotik aurtengo lehen hiruhilekora, 6.700 langabe gehiago zenbatu dituzte EAEn (% 8,08), eta 5.800 gehiago Nafarroan. Landunen kopuruak ere gora egin du Euskadin (7.700 gehiago) eta behera, berriz, Nafarroan (1.300 gutxiago). Bestalde, Espainiako Estatuan 231.500 langabe gehiago erregistratu dituzte 2026ko lehen hiruhilekoan, 2013tik izandako hiruhilekorik txarrenean.
39 milioiko eskaintza egin du Cristian Layk Papresa erosteko
Enpresaren bi industria-jarduerei eustsiko lieke CLk, paperarena eta enbalajearena, eta plantillaren bi heren mantenduko lituzke. Eusko Jaurlaritzak begi onez ikusi du operazioa eta parte hartzeko borondatea du. Papresa hartzekodunen konkurtsoan dago, eta zabalik da hura erosteko eskaintzak aurkezteko epea.