Trenbideen sektorean gutxiengoa duten sindikatuek grebari eutsi diote eta gutxieneko zerbitzuak mantentzen dira
CGT, SF-Intersindical eta Alferro sindikatuek asteazkenera arte eutsi diote grebari. Semaf, CCOO eta UGT sindikatu nagusiek, bere aldetik, greba deialdia bertan behera utzi dute Garraio Ministerioarekin segurtasunean inbertsio handiak egiteko akordioa sinatu ondoren.
Trenbideen sektorean deitutako grebak gorabeherak eragiten jarraitzen du. Greba deialdia bertan behera utzi dute Semaf, CCOO eta UGT sindikatu nagusiek, Garraio Ministerioarekin akordioa sinatu ondoren. Gutxiengoa duten sindikatuek (CGT-SF-Intersindical eta Alferro), ordea, eutsi egiten diote lanuzteari, akordioa nahikoa ez dela iritzita.
Garraio Ministerioak eta sindikatu nagusiek sinatutako akordioaren arabera, segurtasunean inbertsioa handiak egingo dituzte. Guztira, 30 neurri adostu dituzte, tartean, mantenu lanetarako aurrekontua 1.000 miloi eurotan handitzea 2030erako, edota Adif eta Renfen 3.600 langile kontratatzea.
CGT, SF-Intersindical eta Alferro sindikatuek ez dute negoziazioetan parte hartu, eta grebarekin jarraitzea erabaki dute. Gauzak horrela, grebak aurrera jarraitzen du, babes gutxiagorekin bada ere.
Testuinguru horretan, gaur eta bihar gutxieneko zerbitzuak soilik bermatuko dira.
Bilboko Abando geltokian, esaterako, dozenaka bidaiarik ezustekoa hartu dute beren trena aterako ez zela ikusi dutenean.
Hori guztia dela eta, geltokira joan aurretik Renferen webgunean eta WhatsAppeko kanalean ordutegiak kontsultatzeko gomendatu dute.
Zure interesekoa izan daiteke
LABek greba deitu du EAEko eskola publikoetako jantokietan otsailaren 24, 25 eta 26an
Sindikatuak salatu duenez, hitzarmena blokeatuta dago, dagoeneko itundutako soldata-igoerak ez dira ordaindu, eta ratioetan, funtzioetan eta lanaldietan ez da aurrerapausorik eman. Egoera hori jasanezina da sindikatuaren arabera, eta zerbitzuaren kalitateari zuzenean eragiten dio.
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.
Albiste izango dira: Enplegu erregulazio espedientea Tubos Reunidosen, Athletic eta Realaren arteko Kopako finalerdiak zuzenean EITBn, eta 'Karmele' Primeran plataforman
Gaurkoan Orain-en albiste izango direnen laburpena, bi hitzetan.
Erakundeek kezka azaldu dute Tubos Reunidosen egoerarekin eta etorkizuneko proiektua galdegin
Besteak beste, Mikel Jauregi eta Mikel Torres sailburuak, Jaurlaritzaren izenean; Ramiro Gonzalez Arabako ahaldun nagusiak, Ainara Basurko Bizkaiko Sustapen Ekonomikorako foru diputatuak eta Amurrioko alkateak erantzun diote zuzendaritzaren proposamenari.
Sindikatuen ustez, "kolpe gogorra" izan da Tubos Reunidosek proposatutako LEEa, eta azpimarratu dute grebaren jarraipena "erabatekoa" izan dela
Langileen batzordearen presidente Andres Garciaren iritziz, "itxiera itxura duen espedientea" proposatu diete. Astearte honetan langileen batzarra egingo dutela iragarri du, hurrengo egunei begira "hartu beharreko erabakiei" buruz hitz egiteko.
Mikel Jauregi sailburuak inbertsio publiko-pribatuaren alde egin du Tubos Reunidosen iraupena bermatzeko
Enpresak daukan zorrarekin kezkatuta agertu da Industria, Trantsizio Energetiko eta Jasangarritasuneko sailburua. Halaber, azpimarratu du enpresaren iraupena bermatu ahal izateko zorra berregituratu egin behar dela.
Sindikatu nagusiek bertan behera utzi dute biharko deitutako tren greba
Deialdiak enpresa publiko eta pribatuetako 34.000 langileri eragiten zien, eta bertan behera geratu da, elkarrizketan zer aurrerapauso emango den zain.
Tubos Reunidosek Amurrioko eta Trapagaraneko lantegietako 301 langile kaleratzea proposatu du
Enpresak bideragarritasun-plan bat aurkeztu dio langileen batzordeari, tartean Amurrioko altzairugintzaren jarduera etetea, langileak kaleratzea eta zorra berregituratzea barne, industria-proiektuaren jarraipena bermatzeko.
Makinisten grebaren jarraipena % 100ekoa izaten ari da, sindikatu profesionalaren arabera
Zenbait zerbitzu bertan behera utzi dira eta atzerapenak ere izan dira. Renfek dioenaren arabera, greba egiten ari diren langileen kopurua ez da % 12ra heldu.