Erakundeek Tubos Reunidoseko batzordeari jakinarazi diote zorra berregituratzea dela gakoa
Amurrioko eta Trapagarango lantegietako enpresa batzordeak Eusko Jaurlaritzako eta Arabako Foru Aldundiko arduradunekin bildu dira Lakuan. Atarian kontzentrazioa egin dute.
Tubos Reunidoseko Amurrioko eta Trapagarango enpresa batzordeek eta Eusko Jaurlaritzak, Arabako Foru Aldundiak eta Udalek egindako bilera lanean jarraitzeko konpromisoarekin amaitu da. Zorra berregituratzeko beharra ere azpimarratu dute erakundeek hitzorduan.
Andres Garcia, Amurrioko Tubos Reunidoseko lan batzordeko presidenteak erakundeek laguntzeko agertu duten prestutasuna baloratu du. Zorra berregituratzeko Jaurlaritzak SEPIrekin hasitako elkarrizketak positibotzat jo ditu, nahiz eta xehetasun gehiago ez duten jaso.
Lantegiaren bideragarritasuna bermatzeko lan erregulazio espedientea "beharrezko" neurria den galdetu dute langileek bileran, baina ez dute erantzunik jaso, "lehen helburua" zorra berregituratzea dela besterik ez.
Eusko Jaurlaritzak ohar batean adierazi duenez, Tubos Reunidosentzako etorkizuneko industria proiektu sendo bat babesteko prest dago. Proiektu horren bideragarritasun-plana enpresak bere zor gero eta handiagoa berregituratu ahal izatearen mende dago.
Gobernuak jakitera eman duenez, atzo Industria Ministerioarekin eta SEPIrekin elkarrizketak izan zituen berregituraketa aztertzeko, eta "Espainiako Gobernuaren jarrera ona ikusi zuen".
Enpresa-batzordearekin egindako bileran jakinarazi da Eusko Jaurlaritza prest dagoela Tubos Reunidosekin duen 16 milioi euroko zorra berregituratzeko. Beti beste hartzekodun batzuen eskutik eta ahalegin proportzionala eginez.
Tubos Reunidosentzat etorkizuneko industria-proiektu sendo bat bermatuko luketen inbertsore pribatuei laguntzeko, ere prest agertu da Jaurlaritza, beti ere, beste industria-proiektu batzuetan garatu duen lankidetza publiko-pribatuaren ereduari jarraituz.
Erakundeak eta langile batzordea berriro blduko dira, baina egutegirik ez dute finkatu. Hurrengo hitzordua enpresako zuzendaritzarekin dute langileek otsailaren 17an.
Elkarretaratzea
Bilera atarian, elkarretaratzea egin dute langileek.
Pasa den astelehenean, zuzendaritzak 301 langile kaleratzeko (274 Amurrion eta 27 Trapagaranen) enplegu erregulazioko espedientea iragarri ostean heldu da bilera.
Lanuzteak Trapagaranen
Amurrioko langileekin bat eginez, Trapagarango lantegian gutxiengoan dauden LAB eta ESK sindikatuek 24 orduko bost lanuzte deitu dituzte otsailaren 17, 23 eta 27rako eta martxoaren 4 eta 9rako.
Lanuzteak enplegu-erregulazioko espedientea negoziatzeko bilerak egingo dituzten egunetarako deitu dituzte.
Egoera kritikoa dela eta, "batasuna" ezinbestekoa dela nabarmendu dute LAB eta ESK sindikatuek.
Zure interesekoa izan daiteke
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.
Euskal partzuergoak Ayesa Digital erosi du
Iñigo Ucin presidente ez-exekutibo eta Manuel Baraza kontseilari delegatu ariko dira. Operazioan, Indar Karterak, BBK-k, Eusko Jaurlaritzak, Vital Fundazioak eta Tekneik osatutako partzuergoak Ibermatica zena erosi du.
Euriborra % 2,565era igo da, 2022ko urritik izan duen hileko hazkunderik handiena
Ekialde Hurbileko gerrak petrolioaren eta gasaren prezioetan eragin dituen igoerek ziurgabetasuna eraman dute merkatuetara eta inflazioaren beldurra zaldu dute banku zentraletan. Ondorioz, hipoteka aldakorrak kalkulatzeko erabiltzen den indizea gora begira jarri da.
Etxebizitzen prezioa % 12,8 igo da Euskadin, eta % 16, Gipuzkoan
Hala, EAE Espainiako hirugarren erkidego garestiena da, metro koadroko 2.631 euroko batez besteko prezioarekin.
Jaurlaritzak elektrizitate-sorkuntza berriztagarria bikoiztuko du 2030era arte, 80 milioiko inbertsio publiko-pribatuarekin
Horrekin batera, 'Lehentasunezko jarduketa-eremuak' izeneko dokumentu bat diseinatu du Jaurlaritzak, parke eolikoak eta fotovoltaikoak "modu errealista eta arrazionalean" hedatzeko. Guztira, eguzki-energiako eta energia eolikoko 11 'planta handi' aurreikusten dira 2030erako.