Pentsiodunek ez dute trukerako txanpona izan nahi: "Ez dezatela pentsioekin jolastu"
Euskal Herriko Pentsiodunen Mugimenduak deituta, milaka pertsona bildu dira Bilbon eta Donostian egin diren manifestazioetan. Kolektiboak berriro eskatu du gutxieneko pentsioak lanbide arteko gutxieneko soldatarekin parekatzea, bereziki emakume pentsiodunak "duintasunez bizi daitezen eta hilaren amaierara irits daitezen".
Pentsiodunek manifestazioa egin dute gaur, larunbata, Bilbon eta Donostian, pentsioekin ez jolastea eskatzeko, Kongresuan "trukerako txanpon gisa" erabiltzen dituztela iritzita. Gainera, pentsioen balioa automatikoki eguneratzea galdegin dute.
Euskal Herriko Pentsiodunen Mugimenduak deituta, bostehun pertsona baino gehiago batu dira Bizkaiko hiriburuan, 17:30ean Moyua plazatik abiatu eta Bilboko Kale Nagusia zeharkatu duen manifestazioan.
Pankarta handi baten atzetik egin dute ibilbidea, aurretik txistulariak zituztela, eta "Ez dezatela pentsionekin jolastu" leloa lagun. Ohiko aldarriei "Pentsioaren balioa handitzea betebeharra da" mezua batu diete.
Ildo horretan, euskal pentsiodunak oso haserre agertu dira, bigarren urtez jarraian politikariek "trukerako txanpon gisa" erabili dituztelakoan; izan ere, urtarrilaren 27an, PPk, Voxek eta Juntsek batzen duten gehiengoari esker, 2026rako pentsioen balioa handitzeko lege-dekretua indargabetu zuten.
"Gure pentsioekin ez jolastea eta horien balioa urtez urte handitzea nahi dugu", azaldu du Andrea Uña bozeramaileak.
Era berean, gutxieneko pentsioak lanbide arteko gutxieneko soldatarekin parekatzeko eskaera berretsi du kolektiboak, bereziki emakume pentsiodunak "duintasunez bizi daitezen, eta hilaren amaierara iristeko aukera izan dezaten".
Azkenik, "bidezkoa den aldarrikapen baten alde borrokatzen" jarraituko dutela ohartarazi dute, "pentsio publikoak eta duinak" lortu arte.
Donostian eguerdian egin dute manifestazioa, eta Gasteizen eta Iruñean astelehenean aterako dira protesta egitera.
Datorren ostegunean, otsailaren 26an, Kongresuko osoko bilkurak pentsioen dekretua bozkatuko du berriro.
Zure interesekoa izan daiteke
Mondragonek 11.322 milioiko salmentak izan ditu 2025ean, eta % 2,9ko igoera espero du aurten
Nazioarteko gatazkek sortzen duten ezegonkortasuna dela eta, 2026rako hazkunde aurreikuspenak “nahiko moderatuak” direla dio korporazioak.
DHL Express-ek etorkizuneko hangarraren lehen harria jarri du Gasteizko aireportuan
Konpainiak urrats erraldoia eman nahi du, 6.600 metro koadroko nabe batekin, eta, horrekin batera, 13.000 metro koadro baino gehiagoko instalazioak izango ditu kanpoaldean. Europako kontinentean DHLk duen bigarren hangarrik handiena izango da.
Katean osorik ekoitzitako lehen auto elektrikoa atera da Volkswagen multinazionalak Landabenen duen lantegitik
Škoda Epiq modeloa da Iruñean osorik ekoitzitako lehen auto elektrikoa. Horrez gain, konbustioko T-Cross eta Taigo modeloak egiten jarraituko du Nafarroako Volkswagenek.
Igor Arroyo: "Denek izan behar dute euskara ikasteko aukera, baina zerbitzu publikoan egonkortzeko beharrezkoa da euskararen ezagutza"
LAB sindikatuko koordinatzaile orokorrak CC.OO. sindikatua kritikatu du. euskararekiko duen jarreragatik Bere ustez, sindikatu horrek "akats galanta" egin du, ez bakarrik CC.OO ELA eta LABengandik urruntzen duelako, "euskal langileengandik" urruntzen duelako baizik.
Nafarroako Gobernuak 50 milioi euro jarriko ditu Hithium enpresa txinatarrarekin sortuko duen sozietatean
Baterien eta energia biltegiratzeko sistemen lantegiak 700 lanpostu sortuko ditu hasieran, eta bigarren fasean kopurua mila langilera irits daiteke.
Euskadi Europako Inbertsio bankuaren "bezero ona" dela nabarmendu du Nadia Calviñok, hainbat arlotan berrikuntza sustatzen du eta
Arantza Ruiz EITB Mediako Albistegietako zuzendariak Nadia Calviño Europako Inbertsio Bankuaren presidentea elkarrizketatu du ETB2ko 12 minutos saioan. Calviñoren arabera, nazioarteko tentsioak eta Ekialde Hurbileko gerrak markatutako testuinguruan, Euskadik ekonomia "indartsua" du.
Gurutzetako Unibertsitate Ospitaleko zuzendari medikoak eta mediku-zerbitzuen zuzendariordeak dimisioa eman dute
EITBk jakin duenez, bi dimisioak medikuen grebaren eta lanuzteak eragiten ari diren presio asistentzialaren ondorioz etorri dira.
2027ko aurrekontuen ildo nagusiak onartu ditu Jaurlaritzak, hazkundea % 1,6koa izango dela aurreikusita
Nöel d'Anjou Ogasun eta Finantza sailburuak azaldu duenez, oinarrizko zerbitzu publikoak indartzea izango da lehentasuna; osasuna, hezkuntza, etxebizitza, segurtasuna eta gizarte zerbitzuak izango omen dira kontuen ardatzak.
Medikuen sindikatuek elkarretaratzea deitu dute ekainaren 15erako, Osasun Ministerioaren aurrean
Greba batzordea osatzen duten medikuen sei sindikatuek eutsi egingo diote ekainaren 15etik 19ra deitutako greba deialdiari. Halaber, Osasun Ministerioarekin behar den guztietan elkartzeko borondatea agertu dute, beti ere, negoziatzeko benetako borondatea badago eta mahai gainean proposamen zehatzak baldin badaude.
Talgok 6.300 milioi euroko eskaera-bolumena lortu du, inoizko handiena, eta ekoizpen-gaitasuna bikoiztu nahi du
Konpainiak iragarri du Euskadin ikerketa-unitate korporatibo bat sortuko duela, Zientzia, Teknologia eta Berrikuntzaren Euskal Sarean integratua.