Medikuen sindikatuek bitartekotzari uko egin diote eta Osasun Ministerioarekin zuten bilera bertan behera gelditu da
Joan den martxoaren 27an, sindikatuei Pazienteen Erakundeen Plataformaren bitartekaritza proposatzea erabaki zuten Osasun Sistema Nazionaleko Lurralde arteko Kontseiluan. Sindikatuak ez daude ados, plataforma “ez delako neutrala, ezta lan kontuetan aditua ere”. Bi aldeek bilera gehiago egingo dituztela adostu dute, baina, bien bitartean, apirilaren 27ko asterako aurreikusitako grebari eusten diote medikuek.
Medikuen sindikatuek errefusatu egin dute Gaixoen Erakundeen Plataformaren (POP) bitartekaritza estatutu markoaren aurkako grebarekin amaitzeko negoziazioetan. Ondorioz, Osasun Ministerioak greba-batzordearekin asteazken honetarako deitutako bilera bertan behera gelditu da.
Ministerioak beste bilera bat deituko du datorren astelehenerako, Monica Garcia Osasun ministroak X sare sozialean azaldu duenez.
Sindikatuek prentsa-ohar batean iragarri dutenez, bi aldeek bilera gehiago egiteko konpromezua hartu dute. Medikuen Espainiako Sindikatuen Konfederazioak (CESM), Andaluziako Medikuen Sindikatuak (SMA), Metges de Catalunyak (MC), Madrilgo Medikuen eta Goi Mailako Tituludunen Elkarteak (AMYTS), Euskadiko Medikuen Sindikatuak (SME) eta Galiziako Mediku Independenteen Sindikatuak (O 'MEGA) osatutako greba batzordeak POP plataformaren bitartekaritzaren aurkako jarrera berretsi du. Alderdi kaltetua den aldetik, ez dela neutrala azpimarratu du. Horrez gainera, lan-gaietan aditua ere ez dela adierazi du eta negoziazioaren gakoa hortan datzala.
Joan zen martxoaren 27an, Osasun Sistema Nazionaleko Lurralde arteko Kontseiluan, sindikatuei POParen bitartekaritza proposatzea erabaki zuten Ministerioak eta autonomia-erkidegoek; hain zuzen ere, hainbat gobernu autonomikoren aburuz, pazienteak direlako gatazka horretan kaltetu nagusiak.
Gaurko bilera eten ondoren, POP plataformak greba-batzordeari aurpegiratu dio publikoki zalantzan jarri izana "bertan egoteko gaitasuna, neutraltasuna eta legitimitatea". "Pazienteak gara osasun sistemaren izateko arrazoia" azpimarratu du, eta sindikatuek Aste Santua baino lehen jakin zutela bitartekaritzaren proposamena. Hedabideei igorritako oharrean gaineratu du "zuhur eta errespetuz jokatu" duela auzi honetan.
Eusko Jaurlaritzak bitartekaritzaren alde egiten jarraitzen du
Bertan behera gelditu den bileraren aurretik, Alberto Martinez Eusko Jaurlaritzako Osasun sailburuak (POP plataformaren parte-hartzea proposatu zuenetako bat) bitartekaritzaren aldeko apustua berretsi du Bilbon egindako ekitaldi batean. "Alde batetik, Ministerioak proposatutako bitartekaritza bat egon daiteke; eta bestetik, greba-batzordeak proposatutakoa", esan du Martinezek, eta "erantzukina" eskatu die bi aldeei, medikuen grebak jarrai ez dezan.
POP plataformaren bitartekotza-proposamena mahai gainean jarri zen Mediku Lanbidearen Foroarekin irekitako elkarrizketa-bideak fruiturik eman ez zuelako. Ministerioko iturrien arabera, "sindikatuek ez dute gatazka konponbidean jartzeko borondaterik erakutsi inoiz. Aitzitik, greba-batzordeak behin eta berriz baztertu ditu planteatutako elkarrizketa-bide guztiak, esparruko sindikatuak, Medikuntza Lanbidearen Foroa eta, orain, baita pazienteak ere ".
Sindikatuek euren komunikatuan azaldu dutenez , greba egutegiari eutsiko diote. Hurrengoa apirilaren 27ko asterako dago aurreikusita. Halaber, beren aldarrikapenei eusten diete: estatutu marko propioa, medikuekin zuzenean negoziatzeko mahaia, sisteman duten erantzukizuna islatuko duen lanbide-sailkapena, astean gehienez 35 orduko lanaldia, erretirorako baldintza berriak eta kontziliaziorako aukerak.
Zure interesekoa izan daiteke
Jaurlaritzak bitartekari izatea eskaini du Tubos Reunidoseko gatazkan
Bien bitartean, langileek salatu dute "enpresari erantzukizunak eskatu beharrean, presioa langileen, komitearen eta sindikatu jakin batzuen gain jartzen" ari direla.
Alquiler Segurok auzitegietara eramango du Kontsumo Ministerioak abusuzko praktikengatik ezarritako 3,6 milioiko isuna
Pablo Bustinduyren Ministerioaren ustez, higiezinen agentziak sei arau-hauste oso larri eta larri bat egin ditu, "merkatuko nagusitasuna baliatuz", kontsumitzaileen eskubideak urratuta.
Euskaltelek Jasone Altuna izendatuko du zuzendari nagusi
Zuzendari berriak Jon Ander de las Fuentes ordezkatuko du, eta MasOrange taldearen arduradun nagusia izango da Euskadin eta Nafarroan. Konpainiaren administrazio kontseiluko kide ere izango da.
Tubos Reunidoseko langileek elkarretaratzea egin dute Jaurlaritza parean, Lan sailburuordearekin bildu aurretik
Tubos Reunidoseko langileen batzordeak "inplikazioa" eskatuko dio Elena Lopez Barredo Lan sailburuordeari, auzia konpondu dezaten. Gorka Abascal ESKren ordezkariak adierazi duenez, bilerara "baikor, baina zuhur" joango dira.
Jaurlaritzak "erantzukizunez" jokatzeko deia egin die Osasun Ministerioari eta medikuen sindikatuei, arratsaldeko bileraren atarian
Medikuen sindikatuek ez dute onartu Pazienteen Elkartea bitartekari izatea. 15:00etan dira biltzekoak sindikatuak Espainiako Osasun ministerioarekin, estatutuaren inguruko gatazka negoziatzeko.
Brentaren prezioa % 13 baino gehiago jaitsi da, eta Ibex indizea % 3 baino gehiago igo, AEBren eta Iranen arteko su-etenaren ondotik
Brent petrolio upelaren prezioak behera egin du nabarmen, AEBk eta Iranek adostutako bi asteko su-etenaren ondorioz. Bi aste horietan, Pakistanen bake akordio bat negoziatuko dute, Teheranek aurkeztutako hamar puntuko planean oinarrituta.
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.