ELAk eta LABek salatu egin dute etxebizitzaren arloko premiazko neurrien dekretuak jabeei egiten diela mesede
Tentsio handiko eremuetan alokairurako erreferentziazko prezioen indizeari dagokionez, zentralek uste dute "prezioen igoera sendotzen" laguntzen duela. "Igoerei muga jartzen zaien arren, prezioek gora egiten jarrai dezakete", esan dute.
ELA eta LAB sindikatuek salatu egin dute Eusko Jaurlaritzak gaur onartutako etxebizitza arloko premiazko neurriei buruzko dekretuak etxe-jabeei bakarrik egiten diela mesede eta ez duela arazo konpontzen. Are gehiago, uste dute etxebizitzaren negozioa elikatzen duela dekretuak, neurri eraginkorrak mahai gainean jarri beharrean.
Bere aldetik, ELAk uste du "ezkutu sozial" gisa aurkeztu duten neurria "etxebizitza politiketan urteetako ekimen ezaren ondorioak estaltzeko erabiltzen" ari direla. Sindikatu horren arabera, dekretuak "politika antzua eta baztertzailea" dakar. "Batetik, pertsona zaurgarrienak etxebizitza publikoetatik kanpo uzten ditu; eta bestetik, dirulaguntzetan oinarritutako eredua indartzen du, alokairu publikoko etxebizitzak sortzeari benetako bultzadarik eman gabe".
Hori dela eta, ELAren iritziz, erakunde publikoen "borondate politiko falta agerian" geratu da, eta "egoera irauli ahal izateko", etxebizitzaren arazoa "osorik jorratzea" eskatu du.
Bide beretik, LABek gaitzetsi egin du Eusko Jaurlaritzak "etxebizitzaren negozioa diru publikoarekin elikatzen" jarraitzen duela. "Ez dago prezioak jaisteko neurri eraginkorrik, eta dekretuak diru publiko gehiago jabeen poltsara bideratzea dakar", esan du.
Langile gehiengoaren aldeko etxebizitza politikak martxan jartzea eskatu du LABek. "Dirulaguntzen politikak alde batera utzi, prezioak jaisteko apustua egin, parke publikoaren eta alokairu sozialaren hedapena lehenetsi eta higiezinen patronalaren negozioa mugatu".
Dekretuarekin batera, tentsio handiko eremuetan alokairurako erreferentziazko prezioen indizeak publikatu dira gaur, eta hori ere kritikatu dute sindikatuek. ELAren ustez, "neurriak alokairu merkatuaren % 10ri eragingo dio soilik" eta "inpaktu oso mugatua izango du". LABek, berriz, berretsi du "alokairuen prezioen egungo igoera sendotzen" dutela indizeek. "Igoerei muga jartzen zaien arren, prezioek gora egiten jarrai dezakete".
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).