Babestutako alokairuko etxebizitza eskuratzeko gehienezko diru-sarrera 46.463 euroraino igoko da
Eusko Jaurlaritzak etxebizitzaren arloko "ezkutu soziala" onartuko du bihar, Premiazko Neurriei buruzko Dekretuarekin. Besteak beste, jabeek jasoko duten kanona 700 eurokoa izango da, eta gune tentsionatuetan handiagoa izango da.
Eusko Jaurlaritzako Gobernu Kontseiluak Etxebizitza arloko premiazko neurriei buruzko dekretua onartuko du bihar. Arau horrek bizitegi-larrialdiari aurre egiteko Euskadiren "ezkutu soziala indartuko" du, eta alokairu bila dabiltzanei etxebizitza eskuragarria lortzeko "programak hobetzea lehenesten du".
Hala jakinarazi du Denis Itsaso Etxebizitza eta Hiri Agenda sailburuak, gaur egin duen agerraldian. Esan duenez, dekretuak indarrean dauden hamabi arau aldatzen ditu, "etxebizitzaren arloko politika publikoak merkatuaren errealitate berrira egokitu daitezen, estaldurak handitu daitezen, tresnak malgutu daitezen eta gaur egun etxebizitza duina eta egokia lortzeko zailtasun handiagoak dituztenei azkarrago eta eraginkorrago erantzun dakien".
Besteak beste, babestutako alokairuko etxebizitzak eskuratzeko baldintzak aldatuko dira; orain arte, eskatzaileek urtean gehienez ere 21.100 euroko diru-sarrerak izan zitzaketen. Hemendik aurrera, 46.463 euroraino igo da langa hori. "Klase ertainei erantzutea" da helburua, sailburuaren arabera.
Halaber, euren etxea Bizigune programan alokairuan jartzen duten jabeek kanon handiagoa jasoko dute: orain arte, gehienez ere 675 euro jasotzen zituzten, eta aurrerantzean, 700 euroraino jaso ahal izango dituzte hilean.
Tentsio handiko eremuetan, Alokairu Merkatuaren Estatistikaren batez besteko prezioaren % 95 jasoko dute.
Erreferentziako prezioen indizea
Bestalde, Estatuko Aldizkari Ofizialak (BOE) astelehen honetan argitaratu du Bizkai eta Arabarako alokairurako erreferentziazko prezioen indizea ezartzen duen Etxebizitza eta Hiri Agenda Ministerioaren ebazpena. Gipuzkoan, 2025etik daude ezarrita. Tentsio handiko eremu izendatutako udalerri guztietan alokairuaren prezioak "mugatzea" da xedea.
Hala, bihartik, Etxebizitza Ministerioaren web orrian kontsultagai egongo da prezioen indizea. Etxebizitza baten erreferentziazko kopurua zein den jakiteko, beharrezkoa izango da katastroko erreferentzia edo higiezinaren helbide osoa sartzea galdetegian, beste hainbat daturekin batera.
Zabaldutako datuen arabera, Bilbon alokairuaren batez besteko prezioa 700-950 euro artekoa da, hilero; Donostian, 822-1.200 eurokoa; eta Gasteizen, 624-813 euro artekoa.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).