100 mila pertsonak baino gehiagok eman dute izena Osakidetzako LEParen lehen fasean
Orain arteko prozesuetan inoiz izan den izen-emate kopururik handiena izan da. Fase horretan 9 kategoriatarako lanpostuak eskaini dira, besteak beste, administrari, erizain eta zeladore postuak. Azterketak ekainean izango dira.
Osakidetzako azterketak.
101.693 lagunek eman dute izena Osakidetzako lan eskaintza publikoko lehen fasean martxoaren 23an eskaera egiteko epea zabaldu zenetik; orain arte hautaketa-prozesu arruntetan izan den parte-hartzaile kopururik handiena.
Lehen fasean “masibo” gisa katalogatutako 9 kategorietan izena eman zitekeen: administrari laguntzailea, administraria, erizaina, erizaintzako laguntzailea, zerbitzuko langilea, zeladorea, fisioterapeuta, laborategiko teknikaria, eta administrazioko eta kudeaketako goi-mailako teknikaria lanpostuetan.
Horietan, % 20 igo da izen-emateen kopurua, azken LEPekin alderatuta. Igoera “oso positiboki” baloratu du Osakidetzak, herritarrek enplegu publikoa ongi baloratzen dutela irizten baitio.
Lehen fase horretan izena emateko epea joan den martxoaren 23an hasi zen, eta gaur, apirilaren 22an, amaitu da.
Berrikuntzak azterketetan
Azterketak ekainaren 19an, 20an eta 21ean izango dira, Barakaldoko BECen, orain arteko esperientziaren arabera, proba jendetsuak izan ohi direlako.
Prozesuak hainbat berrikuntza ditu aurreko LEPekin alderatuta; besteak beste, test motako azterketa bakarra egitea. Prestakuntza errazteko, Osakidetzak galdera-sortak banatu dizkie hautagaiei, izena emateko epearen barruan.
Gainera, nota hiru urtez gorde ahalko da.
Hasi berri den 2023-2024-2025eko lan-eskaintza publikoa inoizko prozedurarik jendetsuena izango dela aurreikusten du Osakidetzak. Guztira 5.425 plaza eskainiko ditu, 107 kategoriatan banatuta.
Gainerako 98 hautaketa-prozesuetan izena emateko epeak ekainean eta irailean abiatuko dira eta azterketak urteko azken lauhilekoan egingo dira.
Zure interesekoa izan daiteke
Eusko Jaurlaritzak onespena eman dio Aiaran baterien biltegi bat eraikitzeko proiektuari
Arena Green Assest 4, S.L.U.ren 'PB Navegantes 31' proiektuak 23 milioi euroko aurrekontua du eta 30MWko potentzia instalatua, 20 oineko edukiontzietan dauden 18 biltegiratze unitaterekin, non kontrol eta monitorizazio sistema integratzen den.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.