Batbatean jaialdiak ordubeteko etenaldia egingo du teknikarien grebarekin 'bat' eginez
Musika jaialdiaren lehen edizioa ikuskizunetako langileen lan baldintzak salatuz hasiko da, ostiraleko programazioa 21:00etatik 22:00etara bertan behera geratuz.
Batbatean jaialdiak ordubeteko etenaldia egingo du maiatzaren 15ean, ostiralean, 21:00etatik 22:00etara, ikuskizunetako langile teknikariek deitutako grebarekin elkartasuna adierazteko.
Antolakuntzak azaldu duenez, azken egunotan hainbat bilera egin dituzte greba deialdia sustatu duten eragileekin, eta bertatik bertara ezagutu dituzte zuzeneko musikaren eta ikuskizunen sektorean dauden lan prekaritate egoerak eta langileen aldarrikapenak.
Jaialdiaren arduradunek gogorarazi dute Batbatean Euskal Herriko musikaren industriako parte diren pertsonek osatutako ekimena dela, eta sektoreko prekaritatea “gertutik ezagutzen” dutela, eta “kasu askotan pairatu” ere egiten dutela adierazi dute.
Horren harira, kulturaren eta ikuskizunen atzean dauden langileen egoera ikusgarri egiteko eta greba deialdiarekin bat egiteko beharra sentitu dutela nabarmendu dute. Hori dela eta, ostiraleko kontzertu egitaraua eten egingo dute ordubetez, jaialdiaren ordutegi nagusian.
Batbatean Gasteizko musika jaialdi berria da. Asteburu honetan, maiatzaren 15ean eta 16an, egingo dute lehendabiziko aldiz, Mendizabalako aparkalekuan. Hainbat talde eta artista bilduko ditu, besteak beste, La Elite, Skabidean, Kaos Etiliko, Brigade Loco, Gozategi, Roy Ellis edo Juantxo Skalari & La Rude Band, beste askoren artean.
Zure interesekoa izan daiteke
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.
Albiste izango dira: Abisu horia beroagatik, Estatu Batuen eta Iranen arteko bake akordioa eta "Bizi Natura" saioaren denboraldi amaiera
Gaurkoan Orain-en albiste izango direnen laburpena, bi hitzetan.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.