Akordioa Papresan: langileen % 80 subrogatzea eta soldatak izoztea adostu dute
Langileen ordezkariek eta Grupo CL taldeak lortu duten akordioari esker, Errenteriako paper-fabrikaren salerosketa gauzatu ahal izango da. Subrogatuko diren langileen kopurua hasierako proposamenekoa (% 72) baino handiagoa izango da, eta, trukean, bi urtez soldatak izoztea eta lanaldia luzatzea onartu da.
Grupo Cristian Lay industria-taldeak eta Errenteriako Papresa paper-fabrikako langileen ordezkariek akordioa itxi dute astelehen eguerdian. Horri esker, Errenteriako enpresaren salerosketa gauzatu eta jarduera mantendu ahal izango da.
Extremadurako konglomeratuarekin itxitako akordioak funtsezko hiru puntu ditu:
- 166 langile subrogatzea; hau da, plantillaren % 80.
- Soldatak bi urtez izoztea.
- Asteko lanaldia 35 ordutik 37,5 ordura luzatzea, bi urtez.
Lortutako akordioa ez da behin betikoa oraindik. Enpresaren konkurtso-prozeduraz arduratzen den epaileak horri buruzko erabakia hartu behar du. Enpresako iturriek argitu dutenez, baliteke magistratuak aste amaieran ematea CLren erosketa eskaintzari buruzko erabakiaren berri.
CL taldea izan da apirilean hartzekodunen konkurtsoan sartu zen Errenteriako paper-fabrika erosteko eskaintza aurkeztu duen inbertitzaile bakarra. Hasierako proposamenaren arabera, plantillaren % 72ri eustea (148 langile) eta bi ekoizpen-lerroak mantentzea (egunkari-papera eta enbalaje-kartoia) zen taldearen asmoa eta 39,3 milioi euroko eskaintza egin zuen.
Joan zen apirilaren 23an, hartzekodunen borondatezko konkurtsoko likidazio fasean sartu zen Errenteriako paper-fabrika. Baina urtarriletik nabarmenak ziren enplegu-erregulazioko espedientea egiteari eta bi lineetako bat saltzeari buruzko zurrumurruak.
Behin konkurtsoan sartuta, Cristian Lay taldeak erosteko proposamen loteslea egin zuen, eta prozesua garatzen zen bitartean operatibari eusteko konpromisoa hartu zuen.
Zure interesekoa izan daiteke
Hamar enpresak Tubos Reunidosi buruzko informazioa eskatu dute, konkurtso-administratzaileak jakinarazi duenez
Konkurtso-administratzaileak jakinarazi die Trapagarango lantegiak "azarora arte ekoizpena nahiko ziurtatuta" duela.
Ontzi nautiko elektriko eta deskarbonizatuak sortzeko industria-sektorea izango du Euskadik
Proiektuak 71 lanpostu sortuko ditu zuzenean, eta 120 inguru zeharka. Dena ondo bidean, hiru urteren buruan oso-osorik Euskal Autonomia Erkidegoan diseinatu eta fabrikatutako ontzi elektrikoen belaunaldi berri bat merkaturatuko da nazioartean.
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.