Mugiren ohiko erabiltzaileek merkeago izango dituzte bidaiak; gutxi erabiltzen dutenek, ordea, garestiago
Mugi txartelaren deskontu-sistema aldatu egingo da, eta adinekoen egoitzetako erabiltzaileek hilero diru-kopuru handiagoa izango dute euren gastuetarako. Aldaketa EAJk, PSE-EEk eta Elkarrekin Podemosek aurtengo aurrekontuak aurrera ateratzeko lortutako akordioaren emaitza da.
Gipuzkoako Foru Aldundiak Mugi txartelaren deskontu-sistema aldatuko du, garraio publikoaren erabilera indartzeko. Neurria EAJk, PSE-EEk eta Elkarrekin Podemosek aurtengo aurrekontuak aurrera ateratzeko lortutako akordioaren emaitza da. Orain arte hiru deskontu-tarte zeuden, baina aldaketa indarrean sartuta, lau tarte izango dira, erabiltzailearen hileroko bidaia kopuruaren arabera.
Trena zein autobusa gutxien erabiltzen dutenek (hilean 15 bidaia baino gutxiago) gehiago ordainduko dute. Ibilbide bakoitzeko txartela 66 zentimoan izango da (gaur egun baino 7 zentimo gehiago). Ohiko erabiltzaileek abantaila handiagoak izango dituzte. Hilean 50 bidaia baino gehiago egiten dituztenei 8 zentimora murriztuko zaie ibilbide bakoitzaren prezioa, hau da, orain baino 4 zentimo gutxiago ordainduko dute.
Noizbehinkako txartelak, bestalde, igoera nabarmena izango du. Egungo 1,95 eurotik 2,25 eurora pasako da (% 15 garestiago).
Eider Mendoza Gipuzkoako ahaldun nagusiaren hitzetan, aldaketa horiekin eguneroko erabiltzaileak fidelizatu eta saritu nahi dira, eta, horrez gain, paperezko txartel fisikoaren erabilera gutxitu, trantsizio ekologikoan eta digitalean aurrera egiteko asmoz.
Jose Ignacio Asensiok, bere aldetik, berretsi du neurri horiek "justizia sozialean eta ekintza klimatikoan aldi berean aurrera egin daitekeela islatzen" dutela, garraio publikoaren alde egiten delako, familiei laguntzen zaielako eta emisioak murrizteko urratsak ematen direlako.
Egoitzetan daudenei, diru gehiago
Adinekoen egoitzetako erabiltzaile eta egoiliarrek, bestalde, hilabetero diru gehiago izango dute beraien gastuetarako, erabilera libreko kopurua % 63 igoko baitu aldundiak. Hala, egungo 203 eurotik 330 eurora igaroko da.
Eguneko zentroen kasuan, laguntza hori 518-600 eurokoa izango da.
Zure interesekoa izan daiteke
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.
2.000 pertsonak baino gehiagok eman dute izena Osakidetzaren Bizi programan, suizidioa prebenitzeko
Osasun Sailak ekimen berriak jarri ditu martxan Euskadin suizidioaren aurrean, hala nola familiei eta irakasleei zuzendutako online prestakuntza bat, alerta-seinaleak garaiz detektatzeko. Suizidio-saiakera berrien jarraipen-protokoloak, berriz, 4.000 pertsona inguru artatu ditu jada.