Hiru familitik batek zailtasunak ditu hil bukaerara heltzeko, EAEn
Krisi ekonomikoaren ondorioz, EAEko familien herenak elikagaiak erosteko arazoak izan zituen 2009an; % 30,1ak, berriz, "zailtasunak" izan zituen hil amaierara heltzeko. Gainera, % 19ak uste du hiriko segurtasunari dagokionez (lapurretak eta erasoak, esaterako) gabeziak daudela.
'Euskal Autonomia Erkidegoko Bizi-baldintzak 2009' izeneko ikerketatik ateratzen diren ondorioetako batzuk dira. Emaitzak gaur aurkeztu ditu Eustatek.
Txostenak erakusten duenez, lau familietatik batek (% 24,9) murrizketa ekonomikoak izan ditu, batez ere aisialdiaren kasuan eta arropak eta oinetakoak erosterakoan. Horietatik laurden batek, berriz, elikagaiak erosteko arazoak pairatu ditu.
2004an janaria erosteko arazoak zituzten familien % 40tan erreferentziazko pertsona langabezian zegoen; 2009 proportzio hori % 57koa izan zen.
Hiru familitik batek (% 30,1) "zailtasunak" izan zituen hil amaierara heltzeko eta % 42,4k uste dute euren egoera ekonomikoa duela hiru urtekoa baino okerragoa dela. Erreferentziazko pertsona langabezia duten familiek sofritu dute gehien, % 72ak, hain zuzen ere.
Bestalde, 2004-2009 urteen artean, delikuentzia arazoak ugaritu egin direla uste duten familien kopurua sei puntu hazi da; arazo etnikoak eta etxebizitzetan egindako lapurretak ugaritu direla uste duten familien kopurua, aldiz, bi puntu hazi da.
Alkoholak, drogak eta agresibitateak eragindako arazoen gaineko iritziak ere aldatu egin dira eta portzentaiak 3,2 puntuko beherakada izan du.
Zure interesekoa izan daiteke
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.