Jaizkibelek ohiko ibilbidea egin ahal izango du alardean

EAEko Justizia Auzitegi Nagusiak ez du arrazoirik ikusten Jaizkibel konpainia mistoaren ibilbidea aldatu behar izateko Hondarribiko (Gipuzkoa) alardean.

Auzitegiak ebazpena eman du gaur Jaizkibelek aurkeztutako salaketaren inguruan eta arrazoia eman dio gizonezkoak eta emakumezkoak berdintasunean desfilatzen duten konpainiari.

Iaz, Jaizkibelek eta alarde tradizionalak ibilbide desberdinak egin zituzten segurtasun arrazoiak medio Herrizaingo Sailak hala aginduta. Alardea amaitu zenean, konpainia mistoa haserre agertu zen eta auzitegietara jo zuen. Orain, auzitegiak arrazoia eman dio.

Epailearen arabera, ez dago arrazoirik bi ibilbide desberdin egin behar izateko.