Gabonetako gehiegikeriak arintzeko gomendioak
Gabonetako gehiegikerien aurrean, jarduera fisikoa eta dieta mediterraneoa ezinbestekoak dira. Javier Salvadorrek, Espainiako Endokrinologia eta Nutrizioaren Elkartearen presidenteak, argitu duen bezala, urteko sasoi honetan ohikoa den gehiegizko kontsumoak arazo larriak ekarri ditzake.
Bere ustez, egunero jarduera fisikoa egitea ezinbestekoa da; gure gorputzari mesede handia egingo baitiogu, ohitura hori hartzen bada.
Elikadurari dagokionez, Javier Salvadorrek “neurritasuna” azpimarratu nahi izan du. Bere ustez, elikadura osasuntsua eramatea oso garrantzitsua da eta horregatik dieta mediterraneoa gomendatzen du; beste askoren artean, zuntz erantsia daramaten elikagaiak, barazkiak, fruituak eta arraina daramalako. Oliba olioa “neurriz” erabiltzea ere gomendatzen du.
Mota honetako ohiturak hartzeko orduan, Javier Salvadorrek bakoitzaren egoeraren arabera planifikatzea gomendatzen du.
Dieta saihesteko aitzakiak
Dietak ordu arteko mokaduak jatea eta estutasuna eragiten dutela, gehien erabiltzen direnen aitzakien artean dago. Horren aurrean, adituek janaria egunean bost edo sei otordutan banatzea gomendatzen dute. Gainera, gosea saihesteko, edozein jarduera egitea oso garrantzitsua dela diote.
Fruitu eta barazkien zapore garratza, asko entzuten den beste aitzaki bat da. Baina medikuek, ondo prestatuz gero, dasta oneko elikagaiak izan ahal direla adierazten dute. Gainera, gainontzeko elikagaiekin alderatuta, prestatzeko denbora gutxiago behar da.
Azkenik, aktibitate fisikoa egiteko izaten den denbora falta beste arrazoi entzunetako bat izaten da. Eskailerak erabiltzea igogailuaren ordez, gimnasia etxean egitea edota goizago esnatzea gomendatzen dute adituek.
Zure interesekoa izan daiteke
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea 14:00etan irekiko dute berriro, Baionatik Bordelera joateko
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.
HIES kasu berrien kopurua 125etik 95era jaitsi da aurten; hala ere, adituek zuhur jokatzeko eskatu dute
HIES kasu berrien kopuruak behera egin du aurten, 125etik 95era. Harribeltza elkartearen esanetan, zuhur hartu behar da datua, lehen aldia delako eta beheranzko joera finkatzeko urteak pasa behar direlako. Bereziki kezkagarritzat jo dute gainontzeko sexu-bidezko infekzioek izan duten "izugarrizko" gorakada.
Busturialdeko eta Lea-Artibaiko 21 udalerritako ur-kontsumoa mugatzea gomendatu dute
Ajangiz, Arratzu, Bermeo, Busturia, Ea, Elantxobe, Gernika-Lumo, Forua, Gautegiz-Arteaga, Ibarrangelu, Kortezubi, Mendata, Mundaka, Murueta, Muxika, Sukarrieta, Ispaster, Berriatua, Etxebarria, Markina-Xemein eta Ondarroa dira ur-eskasiak kaltetutako herriak.
Sarek eta Donostiako Piratek abuztuaren 14rako mobilizazioa deitu dute euskal preso, iheslari eta deportatuen alde
Bi eragileak elkarrekin aritu dira lanean lehen aldiz, eta indarrak batu dituzte “gatazkaren ondorioei konponbide integrala" emateko beharra azpimarratzeko.
Gizon bat atxilotu dute Bartzelonan, bikotekidea hiltzea egotzita
Hilketa atzo arratsaldean gertatu zen. Erasotzaileak labankadaz hil zuen emakumea, Bartzelonako Sant Marti barrutiko etxebizitza batean, eta, ondoren, ihes egin zuen. Etxebizitzan, bikotearen bi seme-alaba adingabeak zeuden.