Legazpin botoa eman dutenen % 97, atez ateko sistemaren aurka
Guztira, zaborrak biltzeko 'atez ateko' sistemaren kontra 3.599 boto zenbatu dira Legazpin Atez Atekoaren Kontrako Herri Plataformak deituriko herri-galdeketan. 61 lagunek alde bozkatu dute eta 23 baliogabeko boto egon dira.
Zabor bilketaren gainean iritzia emateko bozkatzera deituta zeuden lagunen erdiek baino gehiagok, zehazki % 51,7k, eman du boza, eta horien artean, % 97 bosgarren edukiontziaren alde azaldu da, hau da, atez ateko sistemaren aurka.
Emaitzen arabera, "gehiengoa atez ateko sistemaren aurka dagoela argi geratu da", esan du Koldobike Olabidek, herri-galdeketa deitu duen plataformako bozeramaileak.
Bihar aurkeztuko dizkiote emaitzak ofizialki Udalari. "Herritarren benetako parte-hartzea izan da eta herria bosgarren edukiontziaren alde dagoela argi dago", gaineratu du.
Hori dela eta, "inflexio-puntua" dela esan du Aldundiak eta Bilduk kudeatzen dituen Udalek bultzatzen duten atez ateko sistemaren ezarpen prozesuan.
Bilduko Udalak ekainean ezarriko duen zaborrak biltzeko 'atez ateko' sistemaren aldeko ala aurkako boza eman dute asteburuan Legazpiko bizilagunek.
"Oso gustura" azaldu dira emaitzekin. "Legazpi bosgarren edukiontziaren alde dagoela argi geratu da; Legazpik erabaki egin du eta alkateak erantzun bat eman beharko digu", esan du Mikel Alberdi herri-galdeketako antolatzaileetako batek.
Desobedientzia zibila
Atez atekoaren Kontrako Herri Plataformak deituta, 7.000 lagunek izan dute hondakinen kudeaketaren inguruan bozkatzeko aukera. Bost hauteslekutan eman zezaketen boza: Domingo Agirren, Laubiden, San Ignazion, Haztegin eta Brinkolan.
Bosgarren edukiontzia nahi dutenek boto-paper marroia aukeratu behar izan dute, eta 'atez ateko'aren aldekoek, ordea, zuria.
Atez ateko sistemaren aurka 3.600 lagunen sinadurak lortu ostean deitu zuen herri-galdeketa Atez Atekoaren Kontrako Herri Plataformak. Horien arabera, galdeketak "argi utzi du bizilagunak Bilduk ezarri nahi duen sistemaren aurka daudela". Hala ere, Koldobike Olabide plataformaren bozeramaileak esan zuenez, emaitzak ez dira lotesleak baina "auzi honetan herriak badu erabakitzeko eskubidea".
Ildo horretan, ez dute baztertzen "desobedientzia zibila" deitzea; izan ere, Olabidek esan zuenez, emaitzei kasu egin ezean, "legazpiarrek inposaketaren aurka daudela azaltzeko desobedientziara joko dute".
Bestalde, Kepa Urzelai alkatearentzat galdeketa ez da garbia izan, "erroldatuta ez daudenek ere bozkatu ahal izan dutelako". "Erroldatuta ez daudenek ere bozkatu dute, eta botoa beste baten esku uzteko aukera ere eman da" salatu du.
Herri-galdeketa, Usurbilen
2010ko martxoan Usurbilgo herritarren % 55,8k atez ateko sistemaren aldeko boza eman zuen. Ondorioz, 2009an ezarritako sistemari eustea erabaki zuen Udalak. Galdeketa horretan usubildarren % 70,23k parte hartu zuen.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.