100 kilo kokaina atzeman dituzte Bilboko portuan, barazki artean
Purutasun handiko 100 kilo kokaina atzeman ditu Ertzaintzak Bilboko portuan, Perutik ekarritako biltoki baten barruan, barazki artean.
Hilaren 17an aurkitu zuten droga, Zierbenan. Salgaiak deskargatzen ari ziren langile batzuek maleta bitxi batzuk ikusi zituzten produktu-kaxen artean, eta horren berri eman zioten Muskizko poliziari. Purutasun handiko ehun kilo kokaina zen.
Bertaratutako ertzainek maleten barruan zelofanez bildutako pakete ugari topatu zituzten, kolore zuriko substantzia bat zutenak. Polizia zientifikoko talde batek, erreaktibo kimikoak erabiliz, paketetako substantziak kokainako testean emaitza positiboa ematen zuela egiaztatu zuen; ondorioz, atzeman egin zuten epailearen esku jartzeko.
Kokaina pakete errektangeluarretan zegoen, eta 100 kg inguruko pisua zuen guztira. Purutasun handiko kokainak 10 milioi eurotik gorako balioa lortuko zukeen merkatu beltzean, txikizkako salmentarako prestatu ondoren.
(Atzemandako kokaina paketeak. Argazkia: Segurtasun Saila)
Muskizko ertzain-etxeko Ikerkuntza Kriminaleko Guardiako Unitateko (GIKU) ertzainek jakin zuten atzemandako droga Peruko portu batetik bidali zutela, Nafarroako Foru Komunitaterako baratze-produktuen hainbat edukiontziren legezko bidalketaz baliatuta.
Ertzaintza ikertzen ari da oraindik, inplikatutakoak zein diren jakiteko.
Zure interesekoa izan daiteke
Donostian emaztea hiltzen saiatu zen gizona epailearen aurrera eraman dute
Hilketa saiakera leporatzen diote, emaztea ito nahian aurkitu ondoren.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.