Jaurlaritza, hezkuntza erreformaren kontra helegitea jartzeko prest
Eusko Jaurlaritzak iragarri du helegitea aurkeztuko duela Auzitegi Konstituzionalaren aurrean, ostiral honetan onartutako LOMCE legeak euskal gobernuaren hezkuntza eskumenak urratzen baditu.
Hala adierazi du Josu Erkoreka Eusko Jaurlaritzako bozeramaile eta Herri Administrazio eta Justizia sailburuak. Hala ere, ezer egin aurretik, legeak Jaurlaritzaren eskumenak urratzen dituen frogatu nahi dute. Horrela bada, Jaurlaritzak ez du "zalantzarik izango", eta helegitea aurkeztuko du.
Erkorekaren ustez, mekanismo guztiak agortu behar dira helegitea aurkeztu aurretik. Horren esanetan, "arriskutsua da" Estatuak autonomia erkidegoekin dituen arazoak Auzitegi Konstituzionalaren esku uztea.
Azaldu duenez, inozoa da eskumenen harira, Auzitegi Konstituzionalean helegiteak aurkeztea eraginkorra dela pentsatzea. Gaineratu duenez, bertako kideen aukeraketak organo horren objektibotasuna eta inpartzialtasuna kolokan jartzen ditu.
Ildo horretan, Euskadin hezkuntza erreforma abian jarri dadin Jaurlaritzak bere esku dagoen guztia egingo duela esan du Cristina Uriarte Hezkuntza sailburuak. Uriartek ere zabalik utzi du Konstituzionalera jotzeko aukera.
Eusko Jaurlaritzak ''ez du batera gustuko legearen aurreproiektua'', sailburuaren hitzetan, ''eskumenak inbaditzen dituelako'' eta ''hizkuntza koofizialen tratamenduan atzera egiten duelako''.
Edonola ere, Uriartek aitortu du ez duela ''itxaropen handirik, Hezkuntza ministroaren jarrera ikusita''.
Zure interesekoa izan daiteke
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela-zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.