Pertsona bat hil da Lasarten autobus batek harrapatuta

54 urteko gizonezko bat hil da igande honetan N-1ean Lasarten, Irunerako noranzkoan, autobus batek harrapatuta, Eusko Jaurlaritzako Segurtasun Sailak jakinarazi duenez.

Ezbeharra 06:15 inguruan gertatu da N-1 errepideko 453 kilometroan, eta, antza denez, autobus batek gizonezkoa harrapatu du eta bertan hil da.

Oinezkoa Lasarteko bizilaguna da eta bertaratutako medikuek baieztatu egin dute heriotza.

Ertzaintzak ikerketa ireki du, eta lekuko bila dabil zer gertatu den argitzeko. Ezbeharraren gaineko informazioa duten lekukoek Gipuzkoako Trafiko Zerbitzura, 943.539.119 telefonora, dei dezakete.