Ateri egon liteke Errege Magoei harrera egiteko
Ateri egon liteke, euririk gabe, Errege Magoei harrera egin ahal izateko urtarrilaren 5eko arratsaldean, Euskalmet Euskal Meteorologia Agentziak bere webgunean argitaratuta duen eguraldiaren iragarpenak azaltzen duenez. Prezipitazoak egoteko aukera gero eta txikiagoa izango da, orduek aurrera jo ahala, eta, hortaz, baliteke egunaren bigarren zatian euritakorik erabili behar ez izatea. Hori bai, bi abisu hori egongo dira indarrean, igande osoan: olatuek eragindakoa, kostaldean, eta 100 km/h baino gehiagoko haize-boladek sorrarazitakoa, Arabako eta Bizkaiko mendi-inguruetan eta Bizkaiko itsasaldean. Olaturik altuenen batezbesteko altuera 4-4,5 metrokoa izango da eguerdira arte, eta 3-3,5 metrokoa arratsaldean eta gauean. Haizearen abisuak astelehen goizera arte jarraituko du gurean; olatuena, aldiz, astearte eguerdira arte behintzat ez dute indargabetuko.
Hortaz, igandean, orduak aurrera joan ahala, eguraldiak hobera egingo du. Goizean giro goibela izango dugu eta euria egingo du tarteka. Baina eguerditik aurrera atertzera egingo du eta hodeien artean urdina azaltzen hasiko da. Haizea hego/hego-mendebaldetik etorriko da beste egun batez, eta termometroak gorako bidean hasiko dira.
Astelehenean, hego-haizeak aginduko du berriro ere. Eguraldiak jada ohikoa den itxura hartuko du. Hego-haizea zakar ibiliko da, lainoak ugariak izango dira eta euri apur bat egingo du tarteka. Tenperatura nahikoa balio epeletan kokatuko da eta beroenak 15 ºC-tik gora kokatuko dira kantauri isurialdean. Arratsaldean ilunago geldituko da giroa, baina goizean ostarteren bat ere ikusteko aukera izango dugu.
Eta asteartean, aldaketa gutxi. Eguraldia aurreko egunekoaren oso antzekoa izango da; hodei asko, ostarteren bat eta noiznahi eta nonahi tantaren bat edo beste. Tenperatura 15 ºC inguruan kokatuko da kantauri isurialdean eta 10 ºC-ren bueltan hegoaldean. Haizea hegoaldetik etorriko da eta zakar joko du tarteka.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.