Telekomunikazioen eta telefoniaren alorra da kontsumitzaileen artean erreklamazio gehien eragiten dituena
Bigarren postuan bankuen sektorea dago, eta hirugarren lekuan energia- eta ur-hornidurarekin lotutako kexak daude. EAEko kontsumo erreklamazioen erdiak online egindako erosketetan sortu dira.
Telekomunikazioen eta telefoniaren alorra da kontsumitzaileen artean kexa eta erreklamazio gehien eragiten dituena Euskal Autonomia Erkidegoan; kexa guztien % 12,4 dira sektore horrekin lotutakoak. Atzetik daude etxetresnen (% 9,16), bankuen (% 8,3) eta ura eta energiaren (% 7,3) alorrak.
Iaz, denera, 27.218 erreklamazio aurkeztu zituzten EAEko herritarrek; horietatik, 14.456 Kontsumobiden; 10.684, kontsumitzaileen informaziorako udal-bulegoetan; eta 1.988, kontsumitzaileen elkarteetan. Bizkaian aurkeztu ziren kexa gehien, 16.079; Gipuzkoan, 6.520; eta Araban, 4.619.
Kontsumitzaileek egindako kontsulta edo galderei dagokienez, gehienek (41.390 kontsulta) bankuen zerbitzuarekin zuten zerikusia. Zerrendan hurrengoak telekomunikazioei, energiari eta aseguruei buruzko zalantzak zeuden.
Datuok Kontsumobideren —Kontsumoko Euskal Institutua— 2025eko memorian daude jasota, eta gaur goizean aurkeztu dituzte hedabideen aurrean Javier Hurtado Eusko Jaurlaritzako Turismo, Merkataritza eta Kontsumo sailburuak eta Ana Sanchez Kontsumobideren zuzendariak. Biek ala biek nabarmendu dute aurkeztutako erreklamazioen ia erdiak (% 43) bideratzea lortu zela, enpresaren eta kontsumitzailearen arteko akordioa lortuta.
Bestalde, azaldu dutenez, sektore guztietan Internet bidez egindako erosketetan izaten da arazo gehien.
Abiatutako espedienteen eta Jarritako isunen inguruko datuak ere eman dituzte. Orotara, 457 espediente zabaldu zituen Kontsumobidek, ikuskatzaileek atzemandako arau-hausteen ondorioz, eta 310 kasutan, isunak jarri ziren: 1,7 milioi euro isunetan.
Hurtadok azaldu du arau-urratze gehienak bankuek maileguetan ezarritako gehiegizko klausulen ingurukoak izan zirela. Horrekin batera, bitartekaritza sistemaren garrantzia azpimarratu du, kasuen % 44 akordio bidez bideratzen omen direlako.
Datorren martxoaren 15ean kontsumitzaileen eguna ospatuko da, eta Kontsumobidek kanpaina bat abiarazi du, 'Ez jarri kontsumoa jokoan' lelopean.
Zure interesekoa izan daiteke
Aita Santua protagonista, Bernabeu futbol zelaian egin duten ekitaldi jendetsuan
70.000 lagun bildu ditu Leon XIV.ak Santiago Bernabeu futbol zelaian, Madrilgo Elizbarrutiko Elizekin egindako topaketan. Christian Galvez eta Patricia Pardok aurkeztuta, David Bustamante, Daniel Diges eta Diana Navarroren musikaz, magiako ikuskizu batez eta Santi Rodriguezen umorezko monologoaz gozatu dute, besteak beste.
Bost gizonezko atxilotu dituzte Abanto-Zierbenan, Gallartako festetan beste bati erasotzeagatik
Erasoa joan den larunbateko 05:00ak aldera gertatu zen. Atxilotuetako hiru adingabeak dira.
Sexu abusuen biktima izan diren 6 pertsonarekin bildu da aita santua, ordubetez
Vatikanoko prentsa bulegoak jakinarazi duenez, aita santuak hitzeman die kontuan hartuko dituela jasotako proposamenak "etorkizuneko ahaleginetarako oinarri izan daitezen eta Eliza benetan leku segurua izan dadin".
EHUko Uda Ikastaroen 45. edizioak ezagutza partekatua, zaintza eta berrikuntza izango ditu ardatz
Astelehen honetan aurkeztu den programa ekainaren 30ean hasiko da, eta 133 prestakuntza-ziklo eta 29 tailer eskainiko ditu.
Baionako gotzainak Urruñako erretorea baztertu du adingabe batek sexu-abusu salaketa jarri diolako
Marc Ailletek Baionako elizbarrutian apaiz gisa jardutea debekatu dio Xavier Zabaletari, Besiers herrian adingabe bati ustez egindako abusuen salaketa baten berri izan ostean. Zabaletak ukatu egin ditu akusazioak.
Eskisabel: "Norbanakoen esku utzita, nekez egingo du aurrera euskarak; baldintza politikoak behar dira"
Larunbatean Iruñean egingo den Euskaltzaleen Martxaren atarian, Idurre Eskisabel Euskalgintzako Kontseiluko idazkari nagusia itxaropentsu mintzatu da, eta ekitaldi jendetsua izatea aurreikusten dutela ziurtatu du. Herritarren inplikazioa eskatzeko ez ezik, agintariei mezu zuzena helarazteko ere baliatuko dute hitzordua. Euskaraz bizitzeko eskubidea bermatzeko, baldintza sozialak, politikoak, kulturalak eta materialak behar direla aldarrikatuko dute.
Larunbatean Iruñeko kaleak euskaltzalez betetzeko azken deia egin du Kontseiluak
Nafarroako hiriburuko kaleak zeharkatuko dituzten hiru zutabeen pankarten diseinuak eta egileak iragarri dituzte, hain zuzen ere, gaurkoan. Hartara, zutabeen hasieran, gizarte zibileko hiru kolektibok botako dituzte pregoiak eta txupinazoa: Azterketak Euskaraz mugimenduak, euskarazko eduki sortzaileek, eta Batuz Aldatuko talde eragileak.
25 urteko kartzela zigorra berretsi du Auzitegi Gorenak Nelson David Morenorentzat, hilketa, lapurreta eta iruzurra egotzita
Bizkaiko Auzitegiak eta, ondoren, Euskal Autonomia Erkidegoko Auzitegi Nagusiak errudun jo zuten Nelson David Moreno, eta gaur, astelehenarekin, Auzitegi Gorenak gaitzetsi egin du akusatuaren defentsak epaiaren aurka jarritako kasazio errekurtsoa.
Leon XIV.a aita santuak migratzaileei babesa, harrera eta integraziorako benetako aukerak ematea eskatu du
Historian lehen aldiz, aita santu batek hitzaldia eman du Espainiako Kongresuan. Besteak beste, abortuaren eta eutanasiaren kontra hitz egin du, estatuen berrarmatzea salatu eta aurkaria deskalifikatzea kritikatu.
Espainiako Gobernuak preskripzio epea zabaltzeko legea blokeatu duela salatu dute Elizaren abusuen biktimek
Reparacion Integral Ya (RIYA) elkarteak Leon XIV.a aita santuari eskatu dio pederastia delituen preskripzio epeak luzatzearen alde egiteko. Halaber, Felix Bolaños Presidentetzarako eta Memoria Demokratikorako ministroak Kongresuan agerraldia egin dezala eskatzeko galdegin die talde parlamentarioei.