Agintariak eta armadorea 'Luno' ontzia nola atera aztertzen ari dira
Baionako suprefeturak bilera egingo du ostegun honetan 'Luno' zamaontziaren armadorearekin, atzo Angeluko hondartzaren parean zatitu zen zamaontzia nola errekuperatu aztertzeko. Bilera horretan plan bat aurkeztea aurreikusten da.
Goizaldean ontzia hiru zatitan hautsi da, ontziaren popan zegoen kabina kaskotik bereizi eta hondoratu egin da.
"Pilota armadorearen teilatuan dago orain", nabarmendu du Atlantikoko Itsas Prefeturako bozeramaileak, Lionel Delort kapitainak. Delortek adierazi duenez, bera da itsasoko trafikoa berrezartzeko egin beharreko lanen arduradun legala.
"Orain arte armadoreak modu positiboan erantzun die Frantziako agintarien eskariei", adierazi du. Bestalde, Smit Salvage enpresa herbeheretarra aukeratu dute zamaontzia errekuperatzeko. Armadoreak bere eginbeharrak beteko ez balitu, Frantziako Gobernuak bere gain hartuko lituzke zamaontzia errekuperatzeko lanak, baina gastuak armadoreak ordainduko lituzke.
Lehen aipaturiko bilera egin aurretik, Itsas Prefeturak bidalitako adituek ontziaren branka ikuskatuko dute.
Ontziaren brankan dago erregai gehiena, eta goizaldean egin duten lehen ikustaldian baieztatu dute ez dagoela isuri handi baten zantzurik.
Branka dagoen tokitik ehun metrora dago zamaontziaren popa, eta gaur goizean bitan zatitu da. Dena den, zamaontziaren alde horretan "ez dago gai kutsagarririk", Delorten arabera.
Bestalde, ostegun gauean itsasoaren egoera okertu egingo dela diote eguraldi iragarpenek, eta, Delorteren esanetan, egunak beharko dituzte ontzia errekuperatzeko.
Ontzi barruan zihoazen 12 lagunak (11 marinelak eta portuko gidaria) onik erreskatatu zituzten atzo, eta gaur jendarmeen aurrean deklaratu beharko dute.
Zure interesekoa izan daiteke
Hiru hildako eta gaixotu bat ustez hantabirusagatik kruzero batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago aztoratzeko arrazoirik".
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
45 urteko espetxe zigorra eskatu du Fiskaltzak hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 8 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.