Homofobiaren aurkako aldarriak nagusi, Sotxiko Jokoen inaugurazioan
Errusiako lege homofoboen aurkako ahotsak eta aldarriak gero eta ozenago entzuten ari dira mundu osoan, gaur Sotxin Neguko Olinpiar Jokoak inauguratzeko egingo duten ekitaldiaren atarian. Vladimir Putin presidenteak, bitartean, Errusiako Erregimenaren irudia nazioartean sustatzeko erabili nahi ditu Jokoak.
Atzo, Ban Ki-moon Nazio Batuen Erakundeko (NBE) idazkari nagusiak tregoa olinpiarra errespetatzeko deia egin zien gerran dauden herrialdeei. Su-eten olinpiarra antzinako Greziako tradizioa zen, baina berreskuratu egin zuten Bartzelonako Jokoetan (1992), eta NBEk babesa eman zion.
Homosexualek Errusian pairatzen duten jazarpena dela eta, hainbat ahotsek boikota egitea eskatu dute.
Hori dela eta, Mendebaldeko hainbat agintari ez dira joango Putinen Jokoetara; Barack Obama (AEB), Francoise Hollande (Frantzia) eta David Cameron (Erresuma Batua), besteak beste. Errusiaren aliatu nagusiak, ordea, Sotxin izango dira; Xi Jinping (Txina) eta Viktor Janukovitx (Ukraina), kasu.
Homofobia
Errusian debekatu egin dute homosexualen aldeko propaganda, eta horrek haserrea ekarri du mundu osoan.
Nazioarteko Olinpiar Batzordean (IOC) egindako hitzaldi batean, Ban Ki-moonek gaitzetsi egin du homosexualak bereiztea, eta Jokoetan erasorik bada, salatzeko deia egin du.
"Homosexualen, bisexualen, transexualen edo intersexualen aurkako erasoak salatu egin behar ditugu. Atxiloketen, kartzelatzeen eta eskubide murrizketen aurka egin behar dugu", ohartarazi du.
Google bilatzaileak keinua egin die homosexualei, Sotxiko Jokoen inaugurazioaren harira
IOCeko presidenteak, Thomas Bach alemaniarrak, kirola "errespetuaren eta bereizketaren aurkakoa" dela gaineratu du.
Hainbat kirolari homosexualek beldurra agertu dute, Errusian jaso dezaketen tratua dela eta. Beste asko homosexualei babesa agertzeko keinuren bat egiteko prest agertu dira.
Horren aurrean, Gutun Olinpiarrak kirol ekitaldietan adierazpen politikoak egitea debekatzen duela gogorarazi du Errusiako Gobernuak.
Joko garestienak
Errusiak asko du jokoan Sotxin, eta, horregatik, 50.000 milioi dolar inbertitu ditu, hau da, aurreikusitakoa baino lau aldiz gehiago. Inoizko Olinpiar Joko garestienak izango dira. Hona adibide batzuk: Vancouverreko Neguko Jokoek 8.300 milioi dolarreko kostua izan zuten, eta Pekingo Udakoek 42.000 milioikoa.
Kaukasoko gerrillek mehatxu zuzena egin diete Jokoei, eta, atentatuen beldur, agintariek dozenaka mila polizia hedatu dituzte Sotxin, eta, horiez gain, gerraontziak, droiak eta aire-defentsak baliatuko dituzte.
Orotara 88 herrialdetako 6.000 kirolari lehiatuko dira Neguko Olinpiar Jokoetan. Euskal ordezkariak Paul de la Cuesta (eski alpinoa), Imanol Rojo (iraupen-eskia) eta Lucas Egibar (snowboardcrossa) dira.
Zure interesekoa izan daiteke
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".