Hodei Egiluzen bilaketa ez eteteko eskatu dute Bruselan
Martxa batek Hodei Egiluz galdakaoztarren bilaketa bertan behera ez uzteko eskatu die agintariei gaur, igandea. Manifestaldia Europako Parlamentuko egoitzatik abiatu da, eta Grand Placen bukatu du ibilbidea.
10:30ean ekin diote ibilbideari eta Euskaditik abiatutako senide eta lagun taldeari Bruselan bizi diren zenbait euskal herritar gehitu zaizkio. Azkenean, ezin izan dira Grand Placen sartu, baimenik ez zutelako. Martxa, halaber, Espainiak Europako hiriburuan duen enbaxadaren aurretik igaro da.
Ibon Uribe Galdakaoko alkateak eskerrak eman nahi izan dizkie "euren eskuan zegoen guztia egin duten pertsona anonimoei", orain dela bi egun Euskaditik 60 pertsona inguruk osatutako talde batek Belgikako kaleetan Hodei Egiluzen bilaketari bultzada bat eman eta gero.
"Jendearen, hiritargoaren, erantzuna, ezohikoa izan da, pertsona askok galdetu digu zergatik daramatzagun jantzita kamiseta hauek eta familiari elkartasuna adierazi dio", esan du Uribek.
Gaur, igandea, goizean, Euskaditik joandako taldeak Europako Parlamentuaren (Brusela) aitzinean elkarretaratze bat egin du Hodeiren aurpegia erakusten duten kamisetekin eta '150 egun' idatzita zuen pankarta bat atera dute, Bruselan bizi diren zenbait euskal herritarrekin eta belgiarrekin batera.
Belgikan diren bitartean, Hodei Bila elkarteko kideek ekintzak antolatzen jarraituko dute, euskal gaztearen bilaketan laguntzeko helburuarekin.
"Gure ustean, herritarrei zuzendutako proposatzen ari diren ekintzok, pertsona anonimoak mezua jaso dezan, Childfocus-en bitartez informazioa helarazi ahal izango dute (...) oso interesgarriak dira, eta horren ildotik jarraituko dugu" baieztatu du alkateak.
Berotasuna eta aldarrikapena Anberesen
Hodei Egiluz orain dela 150 Anberesen desagertutako euskal gaztearen gurasoak, senideak eta lagunak Belgikan dira, eta bilaketari eusteko eta kasua ahanzturan ez galtzeko eskatu zuten hiri Belgiarrean atzo, larunbata.
"Anbereseko hiritarrei, Poliziari eta agintariei oroitarazi nahi diegu Hodeik galdurik jarraitzen duela eta ikerketei eustea nahi dugula eta ez ahanzturan galtzea", esan zuen Koldo Ezkerra Hodei Bila elkarteko bozeramaleak.
Elkarte horretako 60 pertsona baino gehiagok, Belgikan bizi diren lagunekin batera, Anbereseko kaleak zeharkatu zituzten, lau taldetan banatuta, eta Egiluzen kartelak jarri zituzten han-hemenka, "Missing" (desagertuta, ingelesez) eta telefono zenbaki bat erakutsiz.
"Gure helburua ikerketa ez eteteko eskatzea da, Hodei aurkitu arte ez etsitzeko, eta bultzada bat emateko etorri gara", esan zuen Agustin Salvador senideen lagun batek.
Zure interesekoa izan daiteke
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.