Emakume bat hil du ustez bikotekide ohiak, Mungian
Emakume bat, Andina Pereira (35 urtekoa eta Brasilgoa), hilik aurkitu dute astelehen honetan Mungian (Bizkaia), indarkeria zantzuekin. Antza denez, bikotekide ohiak hil du, eta Ertzaintzak atxilotu egin du.
Segurtasun Sailak baieztatu duenez, krimen matxista kasua izan da; aurtengo lehenengoa Euskadin.
Atxilotutako gizonezkoa Zamudiokoa (Bizkaia) da, eta aurreko bikotekide bati tratu txarrak emateagatik ere inputatuta dago, EiTBk jakin duenez.
Gertaerak 13:15ean izan dira, Iturribide kalean, hildako pertsonaren senide batek 112 SOS deiaki deitu dionean, emakume bat bere etxeko gelan konorterik gabe zegoela jakitera emanez.
Ertzaintza eta anbulantzia bat bertaratu dira. Medikuak emakumea erreanimatzen saiatu dira, baina ez dute lortu. Ertzaintzak ikerketa bat abiarazi du heriotza argitzeko asmoz, emakumeak indarkeria zantzuak dituelako. Bikotekidea atxilotu dute, gertaeren egilea izatea leporatuta. Biktima brasildarra da. Gainera 14 urteko semea eta 10 urteko alaba zituen.
Indarkeria matxistagatik aurten Euskadin hil den lehenengo biktima da.
Hildako emakumearen lagun bat: "Beti zuen irribarrea ahoan"
Mungian hil den emakumearen lagun batek esan du biktima "oso neska ona, oso langilea" zela, "beti zuen irribarrea ahoan".
Kleirek azaldu duenez, biktima senar ohiagandik (krimenaren susmagarri nagusia da) separatu zen, baina "ez zuen lasai uzten", gaineratu du.
"Ikusita zegoen", esan du lagunak triste, emakumeak harremana haustea eta beste pisu batera joan ostean gizonezkoak egindako jazarpena nabarmendu ostean.
"Oso ondo eramaten zen jendearekin", azaldu du Kleirek. Azkenekoz, igandean izan zen berarekin.
Mungiako Udalak justizia eskatu du
Mungiako Udalak "gaitzespenik indartsuena" azaldu du ustez bikotekide ohiaren eskuetan hil den emakumeagatik, eta, biktimaren izenean, justizia eskatu du krimenaren ustezko egilearentzat.
Bozeramaileen mahaiak ohiz kanpoko bilera bat egin du biktimaren hilketaren ostean.
Udalak akusazio partikular moduan aurkezteko erabakia hartu du, "Andima familiaren eskubideak babesteko eta Mungia herriaren ordezkaria izateko izenean justizia eskatzeko asmoz".
Alderdiek "elkartasun eta gertutasun osoa" azaldu dute emakumaren bi seme-alabekin, baita haren senide eta lagunekin ere, eta behar ahal izango dituzten baliabide guztiak eskaini dizkiete. Halaber, kontzentrazio bat deitu dute, astearte honetarako, 19:00etan.
Emakundek indarkeriaren errefusapena adieraztera animatu ditu herritarrak
Emakundek emakumearen euskal institutuak Mungian hildako emakumearen aurrean "gaitzespenik handiena" erakutsi du, eta herritarrak genero-indarkeriaren errefusapena adieraztera animatu ditu.
Emakunderen hitzetan, emakumeen aurkako indarkeria "emakumeen eta gizonezkoen arteko desberdintasunaren sinbolotik basatiena" da egungo gizartean.
-----------
Tratu txarrak pairatzen badituzu, jarraitu gida honetako aholkuak edo deitu 016 edo 900 840 111 telefonoetara. Doakoak dira eta ez dute aztarnarik uzten fakturan.
Zure interesekoa izan daiteke
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.