Fracking Ez taldearen ustez, teknika hau 'ez da ona' ingurumenerako
Mikel Otero Fracking Ez Araba plataformaren bozeramailearen esanetan, gas ez-konbentzionala haustura hidraulikoaren teknika baliatuz erauztea "ez da ona ingurumenerako", ezta ikuspuntu ekonomikotik ere; izan ere, Ameriketako Estatu Batuetan (AEB) teknika hori erabiltzen hasi diren arroetan "gainbeheran" dagoela azaldu du, ez baita frogatu teknika hori baliatuz erauzten den gasaren salneurria horren txikia denik.
Eusko Legebiltzarrean energia elektrikoa ekoizteko ereduak aztertu eta eztabaidatzeko lantaldean agerraldia egin aurretik egin ditu Oterok adierazpen horiek prentsaren aurrean. Horren arabera, haustura hidraulikoaren teknika "ez da ona ingurumenerako", ezta ikuspuntu ekonomikotik ere, AEBn ikusi dutenez, eta orain arte jaso diren datu guztiek argi uzten dute gasa erauzteko teknika horren inguruan zabaldu diren amets guztiak desegiten ari direla, gaineratu du.
Hori dela eta, hemen ere norabidea aldatu eta teknika hori ez garatzearen alde egin du. AEBn teknika hori erabiltzen ari ziren arroetan gainbeheran dagoela esan du, ez baita frogatu frackingaren bidez lortzen den gasaren prezioa horren merkea denik.
Plataformak herri ekimen legegilea eraman nahi du berriro Eusko Legebiltzarrera, frackinga galaraztea eskatzeko, eta sinadurak batzen ari dira horretarako. Oterok ez du baieztatu nahi izan horretarako behar diren 30.000 sinadurak lortu dituzten, baina, horren arabera, seguru daude lortuko dutela.
Azkenik, Fracking Ez Araba plataformaren bozeramaileak onartu egin du euskal legearekin beste autonomia erkidego batzuetan (Kantabrian eta Errioxan, esate baterako) teknika horren kontra egin diren legeekin gertatu dena gerta litekeela, Auzitegi Konstituzionalak bertan behera utzi baititu. "Aukera hori hor dago", adierazi du.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.