Ekaitzak eragozpenak eragin ditu Euskal Herriko hainbat lekutan
Ekaitzak gogor astindu du Euskal Herria eta eragozpenak eragin ditu hainbat txokotan. Esaterako, 17:00etatik aurrera Gasteizen izandako kazkabar jasaren eta euri zaparrada mardulen ondorioz, hainbat lokal eta lonja urpean gelditu dira, Eusko Jaurlaritzak Segurtasun Sailak jakinarazi duenez.
Gasteizen kazkabarrak eta euriak arazoak sortu ditu zenbait kaletan, arazorik handienak Zumakera kalean, Gamarran eta Salbatierrabidean izan dira. Zenbait tokitan suhiltzaileen eta Ertzaintzaren parte-hartzea ere ezinbestekoa izan da. Gasteizen ordubetean 22 litro bota ditu metro koadroko. Ekaitzak zirkulazio arazoak eragin ditu Arabako hiriburuan, eta Salburuan, esaterako, trenbide azpitik igarotzen diren bi tunel itxi behar izan dituzte.
Ekaitza Arabatik eta Bizkaitik sartu da Euskal Herrian, eta handik Gipuzkoara eta Nafarroara zabaldu da.
Errepideetan arazoak eragin ditu ekaitzak, Gasteiz inguruan bertan, Arratzua-Ubarrundian bi autok elkar jo dute, kazkabarragatik irrist eginda, eta lagun bat arin zauritu da. Bestalde, AP-8 errepidean bi autok elkar jo dute Mendaron, Kantabriarako noranzkoan, eta pertsona bat arin zauritu da. Istripuaren eraginez, auto-ilarak sortu dira puntu horretan.
Bestalde, Mungian tximista batek La Bilbaina urbanizazioko teilatu bat jo du. Ez da inor zauritu, baina larrialdi zerbitzuetako kideak bertaratu dira.
Nafarroan, Erriberriko zezen-plazako horma bat behera erori da, eta kalteak eragin ditu inguruko autoetan. Hala ere, ez da inor zauritu.
Oro har, errepideetan arreta handiz ibiltzeko eskatzen dute Segurtasun Sailetik.
Alerta laranja ezarri dute Euskal Herrian euriteengatik eta ekaitzengatik
Eusko Jaurlaritzako Segurtasun Sailak alerta laranja ezarri du prezipitazio handiengatik. Alerta arratsaldeko seietan sartu da indarrean, eta gauerdira arte iraun du. Aurrez, abisu horia indarrean zegoen arratsaldeko hirurak geroztik. Datozen orduetan euri-jasak indartsuak izango dira eta litekeena da nonahi kazkabarra egitea. Zenbait tokitan, ordu betean 30 litro egin ditzake metro koadroko, eta haizeak ere gogotik joko du.
Nafarroan alerta laranja ezarri dute, euriteengatik eta ekaitzengatik. Lurraldearen erdialderako iragarri dute alerta.
Gauerditik aurrera ere, eguraldi makurra egingo du, eta litekeena da ordubetean metro koadroko 20 litro pilatzea Euskal Herriko hainbat txokotan. Gauean euri zaparrada mardulak bota ditzake nonahi. Hala ere, 00:00etatik 06:00etara Euskalmetek arrisku maila abisu horira jaitsiko du. Ordu batzuk geroago, barealdiaren ondotik, abisua horia ezarriko dute berriz ere eguerdian, eta litekeena da metro koadroko 15 litro pilatzea.
Zure interesekoa izan daiteke
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Fiskaltzak 45 urteko kartzela zigorra eskatu du akusatuarentzat.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.