Jaurlaritzak dio 2016an martxan egongo dela Altzako tren geltokia
Donostialdeko Metroaren Altzako geltokiaren lanak "oso martxa onean" omen doaz, eta 2016ko bigarren seihilekotik aurrera zerbitzua emango die Donostiako auzo horretako 15.000 herritarri, Eusko Jaurlaritzaren arabera.
Horixe adierazi du behintzat Ana Oregi Ingurugiro eta Lurralde Politikako sailburuak, Iñigo Urkullu lehendakariarekin batera geltoki berrira egindako bisitan. Herrera eta Altza lotzen dituen tarteko lanei dagokien zatia egiteko 35 milioi euroko inbertsioa egin dute. Nora Galparsoro Donostiako Udaleko Azpiegitura eta Zerbitzu zinegotziak eta udal taldeko beste kide batzuk ere izan dira bisitan, Eusko Treneko eta Eusko Trenbide Sareko zuzendariekin.
Geltoki berria hartuko duen zulora iristeko 600 metroko tunela igaro behar izan dute. Guztia hormigoiarekin indartua dago, eta nasak eta gela teknikoak egiteke daude.
Oregik esan du egungo martxarekin jarraituz gero, lanak datorren urteko erdialdetik aurrera amaituko direla. Bestalde, Loiola-Herrera, Fanderia-Oiartzun eta Lasarte Oria-Añorga-Errekalde zatiak hobetzeko lanak ere egin dituztela gogorarazi du.
Eusko Jaurlaritzak azaldu duenez, "Galtzabordarako loturan ere lan egiten ari gara", Pasai Antxotik pasatuta, eta bi geltoki aurreikusten dituzte bertan, baina Oregik ezin ditu epeak "aurreratu" nahi izan.
Hiriguneko lur-azpitik igaroko den zatiari dagokionez, unibertsitate inguruari eta Benta Berriri emango lioke zerbitzua, eta Jaurlaritza lanak "aztertzen eta baimenak eskuratzen" ari omen da.
Era berean, EAEko gobernua "erakundeen arteko hitzarmenak" lortzen saiatzen ari omen da, eta "Udalak eta Aldundiak eman dituzten pauso guztiak jarraitzen ditu".
Donostiako erdigunetik lur-azpian joango den zatiari dagokionez, Oregi sailburuak esan du Jaurlaritzak 2020. urtea duela buruan.
Zure interesekoa izan daiteke
Basauriko ikasleen familiek protesta deitu dute ostegunerako, jangeletan "janari duina" eskatzeko
Basauriko Guraso Elkarteek Hezkuntza Sailari ohartarazi diote, "sukalde zentralaren edo sukalde bertikalen gainetik", "janaria bera benetan aldatzea" eskatzen dutela.
Santutxuko Luis Briñas BHI ikastetxean pasilloetan eman dituzte gaur eskolak, ikasgeletan bero jasanezina zegoelako
EITBk jakin ahal izan duenez, 35 gradu zeuden ikasgeletan. Hori dela eta, ordutegi jarraitua aste honetara aurreratu behar izan dute.
Iruñeko herritarrek Erorien Monumentua eraberritzeko bi proposamen baloratu eta ekarpenak egin ahal izango dituzte
Epaimahaiak "Harriak Hitz" eta "Itzaletik Argira" proiektuak aukeratu ditu Erorien Monumentua eraldatzeko lehiaketara aurkeztu ziren 21 lanen artean, eta orain Iruñeko herritarren txanda izango da, ekainaren 10erako aurreikusitako parte-hartze prozesu baten bidez horiek baloratu eta ekarpenak eigteko.
Basaurin estreinatuko dute zazpi ikastetxeri zerbitzua emango dion lehen sukalde zonala
Basaurin ezarriko dute EAEn, lehen aldiz, eskola sukaldeen eredu mistoa, eskoletako sukaldeak eta sukalde zonala integratuko dituena. Guztira, zazpi ikastetxe publikoren bazkaria prestatuko dute elkarrekin.
Tabakoarekin lotutako heriotza tasa % 98 hazi da emakumeen artean Euskadin, 2001 eta 2020 bitartean
Bereziki, 55 eta 74 urte bitarteko emakumeen taldeak sortzen du kezka, horien artean eguneroko kontsumoa % 3,8 tik % 15era igaro baita 2004tik eta 2023ra.
2028tik aurrera, Baxoako espezialitate bat eta ahozko probaren zati bat euskaraz egin ahalko dute Ipar Euskal Herriko ikasleek
Edouard Geffray Frantziako Hezkuntza ministroak egin du iragarpena, bart, hedabide bati eskaini dion elkarrizketan. Aldaketa horrekin hezkuntza elebidunak legezko markoa izango duela nabarmendu du.
Epaimahaiak Tuterako jaietako kartel irabazlea erretiratu du adimen artifizialaren bidez sortutakoa izateagatik
Erabakia aho batez hartu du epaimahaiak astelehen honetan egindako bileran. Halaber, Raul Lopezen "Timbaleros de Tudela" lanari eman dio lehen saria.
Zer dakigu ebolaren Bundibugyo aldaeraren aurka garatzen ari diren txertoez?
Osasun agintariak erlojuaren kontra ari dira lanean ebolaren Bundibugyo aldaeraren agerraldia geldiarazteko txertoak eta tratamenduak aurkitzeko. ‘Zaire’ izeneko aldaera izan da orain arte gehien agertu dena, eta aldaera berri horri aurre egiteko ez dago ez txertorik, ezta onartutako tratamendurik ere.
30 pertsona artatu eta horietako hiru ospitaleratu dituzte Euskadin, asteburuan, tenperatura altuengatik
2 eta 74 urte bitartekoak dira artatutako pertsona guztiak, eta zorabioengatik, nekeagatik eta desorientazioagatik artatu dituzte.
Boston, Kansas City edo Chicago: Munduko Txapelketa antolatzeak hirientzat dakartzan abantailak eta arriskuak
Kirol ekonomialariek adierazi dutenez, Munduko Txapelketa antolatzeak kostu handiak eta buruhauste ugari dakartza hirientzat, arrakasta kasuak dauden arren.