Ustez aitak hil zituen bi neskatoak gogoratuko dituzte gaur Morañan
Morañako (Pontevedra) eta hurbileko beste herri batzuetako bizilagunek ostiral honetan egingo den martxa isilean parte hartuko dute, Candela eta Amaia hil zirenetik astebete betetzen den egun honetan. Itxuraz, aitak (David O.R.) hil zituen lau eta bederatzi urte zintuzten neskato biak, eta, ondorioz, larunbatetik kartzelan dago behin-behineko espetxealdia betetzen.
Mobilizazioa sare sozialen bidez eta herrian jarritako kartelen bidez zabaldu da, eta 21:30ean aterako da Carballeira de Santa Lucía izeneko parketik, eta 6. eta 2. kaleak igaro ostean, Morañako Udaletxeko plaza aurrera iritsiko da.
Pontevedrako bizilagunek hunkituta jarraitzen neskatxen hilketa bikoitzaren eraginez. Etengabeko mintzagaia da herritarren artean, eta behin eta berriz egiten dira dolumin-adierazpenak, besteak beste, Udaletxeko eraikin aldamenean lore-sortek eta piztutako kandelek presente darraite.
Presondegi-aldaketa
Egoeraren gainean jakitun dauden iturriek Europa Press agentziari adierazi diotenez, eta aldaketarik ez badago, ustezko alaba-hiltzailea, beste kartzela batera eramango dute aurki: A Lamako espetxetik Leonekora, hain zuzen ere.
Prozedura irailera arte atzeratuta
Bestalde, iturri berek aipatutako agentziari baieztatu diotenez, ez da aurreikusten aste honetan, ezta hurrengoan ere, atxilotuak edota lekukoek Caldaseko epaitegian berriro deklaratuko dutenik, baldin eta "ezohiko" zerbait gertatzen ez bada; horrenbestez, nahiz eta Polizia Zientifikoaren eginbideek aurrera jarraitzen duten, prozedura ez litzateke irailaren erdialdera arte berriz abiaraziko.
Zure interesekoa izan daiteke
Donostiako Klasikoak eragina izango du larunbatean Gipuzkoako trafikoan
Bestalde, Bizkaian, abuztuaren 2an, igandea, Getxoko 81. Txirrindularitza Zirkuitua-Otxoa anaiak Memoriala dela eta, zirkulazioari lotutako hainbat gorabehera izango dira, horien artean debekatuta egongo da lasterketaren noranzkoan zirkulatzea.
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.
Aita Marik Mediterraneoan egiten duen erreskate-lana zailtzen duen "etengabeko presioa" salatu du
Egunotan Malta eta Libia arteko migrazio-ibilbidean erreskate-lanetan ari den Aita Mari ontzia Libiako kostazainek inguratu dute asteazken honetan; ondoren, drone batek gainetik hegan egin zion.
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.