Txosnetako prezioen akordioak ikertuko ditu Lehiaren Agintaritzak

Pilar Canedo Lehiaren Euskal Agintaritzako presidenteak ikerketa ireki du Euskadiko jaietako txosnetan egiten diren prezioen akordioengatik. Hitzartutako prezioak ez errespetatzeagatik Barakaldoko jai batzordetik bota zuten kuadrillaren salaketak eragin du ikerketa orekitzea.

"Prezioetan akordioetara iristea legeak berak debekatzen du, akordio hauek kontsumitzailea kalterako izaten baitira", adierazi du Pilar Canedok Radio Euskadin.

Txosna batek prezioak aldatu dituelako gaia aztertu beharra daukatela adierazi du Lehiaren Euskal Agintaritzaren presidenteak. "Prezioen akordioek eragin handia izaten dute telefoniako enpresetan, gasolineretan…, baina txosnek merkatu mugatua dute, eta prezio murritzetakoa. Txosna batek prezioak jaisten baditu, ezin da merkatu txiki horretatik bota, horrek kontsumitzaileari mesede egiten baitio. Ikerketa irekitzearen kontua, txosna batek prezioak aldatu dituelako izan da".

Orain, Lehiaren Euskal Agintaritzak "merkatu honen dimentsioak nolakoak diren, eta kontsumitzaileengan zein eragin izan duen aztertu behar du. Merkatua oso murritza dela uste badugu, salaketaren kasua bakarrik aztertuko dugu. Gauza orokorragoa bada eta gizartearentzat eragin negatiboak baditu, ikusiko dugu nola lan egingo dugun", azaldu du Pilar Canedak.

Txosnak irabazi-asmorik gabeko subjektuak direnaren argudio erabat baztertu du Canedak: "Argi dago txosna bat dirua atertatzeko jartzen dela, hortaz, ez da irabazi-asmorik gabe subjektua. Dena den, txosnen kasua ezin da multinazionalekin alderatu".

Bukatzeko, "populazioak argi izan behar du operadoreen artean prezioen akordioak badaude, kontsumitzailea dela kaltetua. Akordioetara iristen direnean, konstumitzaileak prezio altuagoa ordaintzen du kalitate baxuagoko produktu bategatik, eta hori, eroslearentzat da kaltegarria”, esan du Pilar Caneda Lehiaren Euskal Agintaritzaren presidenteak.