Euskadin bizi diren lau ahizpari ablazioa egin diete Malin
Araban bizi diren lau ahizpari ablazioa edo klitoriaren mutilazioa egin diete berriki Malin, hain zuzen, gurasoen jaioterrira oporretara joan direnean, El Mundo egunkariak kaleratutako informazioaren arabera.
EAEko Adingabeen Fiskaltzak ikerketa ireki du 14 urteko ahizpa zaharrenak gizarte langile bati egindako salaketaren ondotik. Adingabeak gertaturikoa kontatu zion gizarte langileari eta gainerako hiru ahizpak ere ablazioaren biktima izan zitezkeen susmoa agertu zion. Aitona-amonak jo zituen mutilazio genitalaren erantzule.
Auzitegi mediku batek lau adingabeak aztertu eta ablazioaren zantzu objektiboak aurkitu ditu.
Horren aurrean, EAEko Adingabeen Fiskaltzak lau neskak babesteko neurriak hartu ditu.
Juan Calparsoro EAEko fiskal nagusiak Radio Euskadin baieztatu egin du Adingabeen Fiskaltza kasua ikertzen ari dela, eta delitu zantzuak egon daitezkeela gaineratu du. Espainiako justiziak horrelako kasuak ikertzeko eskumenik duen galdetuta, Calparsorok azpimarratu du baduela eskumena ustezko delituak atzerrian gertatu arren biktimak EAEn bizi direlako. Hala ere, aitortu du zaila izango dela ikerketa egitea eta arduradunak epaitzea, batez ere, Malin ez dagoelako penalki zigortuta ablazioa.
Ablazioak haur horien gurasoengan izan ditzakeen ondorioez galdetuta, Calparsorok esan du Fiskaltza, Diputazioa eta gizarte zerbitzuak jakinaren gainean daudela, eta haurren zaintza gal dezaketela behin betiko edo behin-behinean.
Bestalde, Calparsororen esanetan, aurretik ere antzerako kasuak izan dira, eta EAEn protokolo bat dago halakoetarako. Bertan, gizarte zerbitzuek, Osakidetzak eta foru diputazioek parte hartzen dutela azaldu du.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.