Albiste dira

Hiru enpresari atxilotu dituzte adingabeak lanean jartzeagatik

Adingabeak eta paperik gabeko atzerritarrak jartzen zituzten lanean, kontraturik gabe, hainbat baserritan piperrak jasotzen. Ez dute baztertu atxiloketa gehiago egitea.

agentziak | erredakzioa

2018/07/04 - 11:01

Azken eguneratzea

2015/09/11 - 16:47

Espainiako Poliziak hiru enpresari atxilotu ditu Gipuzkoan, langileen eskubideen kontrako delituak leporatuta, egoera irregularrean zeuden atzerritarrak eta adingabeak jarri zituztelako piper bilketan lanean.

Espainiako Gobernuak EAEn duen Ordezkaritzak jakitera eman duenez, irailaren 2an Aginagan, Usurbilen, Urnietan eta Hernanin egindako lan ikuskaritzaren ondorioz egin dituzte atxiloketak.

Aipatu iturrien arabera, bi adingabe zeuden lanean, gurasoen ardurarik gabe, eta egoera irregularrean eta kontraturik gabe zeuden atzerritar batzuk ere atzeman zituzten ikuskaritzan.

Ikerketak aurrera jarraitzen du, eta ez dute baztertu atxiloketa gehiago izatea.