Hezkuntza arlorako 425 postuko LEPa iragarri die Mendozak sindikatuei
Nafarroako Hezkuntza sailburu Jose Luis Mendozak Mahai Sektorialeko sindikatuei Lan-eskaintza Publikoa (LEP) egiteko proposamena iragarri die gaur. Proposamen horren arabera, 334 plaza eskainiko dituzte 2016. urtean, eta beste 91, 2017an. Kontseilariak nabarmendu duenez, 2016an eskainiko diren 320 irakasle plazetako 228 klaseak euskaraz emateko izango dira.
Horrela iragarri die kazetariei Mendozak berak LAB, STEE-EILAS, AFAPNA, CCOO, ELA, ANPE eta UGT sindikatuetako ordezkariei Nafarroako Gobernuaren asmoen berri eman ostean. Sindikatuek proposamenaren ezaugarriak era desberdinean jaso dituzte; dena dela, proposamena oraindik ere Mahai Orokorretik pasatu beharko da. Deialdiaren xedea 2016ko plazak urtarrilean deitzea da, datorren urteko udan bertan egiteko oposizioa.
Horrenbestez, 2016an, 320 irakasle-plaza deituko dira (228 euskaraz eta 92 gaztelaniaz), eta 14 ikuskatzaile-plaza (7 euskaraz eta 7 gaztelaniaz). 2017an, ostera, Bigarren Hezkuntzako 91 irakasle plaza eskainiko dira. Horiei guztiei aurtengo ikasturtean erretiratutako langileen berrezartze-tasetako plazak gehitu ahal zaizkie, baita hala zehazten diren besteren batzuk ere, baldin eta Estatuak mugarik ezartzen ez badu.
Plazen nondiko norakoei dagokienez, euskarazko irakasle-plazak era honetan banatuko dira: Lehen Hezkuntza (60), Haur Hezkuntza (60), Euskara (35), Atzerriko Hizkuntza - ingelesa (25), Pedagogia Terapeutikoa (20), Musika (10), Gorputz Hezkuntza (10) eta Entzumena eta Hizkuntza (8).
Gaztelaniazko plazei dagokienez, aldiz, banaketa era honetakoa izango da: Pedagogia Terapeutikoa (50), Gorputz Hezkuntza (16), Entzumena eta Hizkuntza (14) eta Musika (12).
Albiste gehiago gizartea
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.