Emakunde: 'Tratu txarren salaketak icebergaren punta baino ez dira'
Emakunde Emakumearen Euskal Erakundeak ohartarazi duenez, emakumeen kontrako indarkeria kasuak ezagutarazten direnak baino gehiago dira, asko salatzen ez direlako eta ezkutuan geratzen direlako. Izan ere, tratu txarren salaketak "arazo larri eta estruktural honen icebergaren punta baino ez dira", azpimarratu du.
Azaroaren 25ean Emakumeenganako Indarkeriaren kontrako Nazioarteko Eguna dela eta, oharra kaleratu du Emakundek. Izaskun Landaida erakundeko zuzendariak bertan salatutakoaren arabera, "arazo larri hau banalizatzeko saiakerak" daude. Landaidaren ustez, saiakerok "benetan maltzurrak eta oso arriskutsuak" dira herritarrek arazoaren aurrean duten pertzepzioan eragina dutelako eta, "larriagoa dena, eragin handia dutelako indarkeria jasaten duten emakumeengan, oraindik zailago jartzen dielako euren egoeratik irteteko saiakerak egitea". Hori horrela, "guztion ardura da emakume hauentzako egoera eta baldintza onenak sortzea", azpimarratu du.
Balore aldaketa eta berdintasun politikak aldarrikatu ditu Landaidak indarkeria mota hori desagerrarazteko. Halaber, hezkuntzan lan egin beharra dagoela nabarmendu du, baina ez soilik eskoletan, baita familian eta hedabideetan ere. "Gizarte osoak errepikatzen ditu estereotipo sexistak, eta, beraz, gizarte osoaren inplikazioa behar da horien kontra egiteko", azaldu du.
Manifestazioak eta puntu lila
Hori horrela, emakumeen kontrako indarkeriaren gaitzespen publikoa egiteko deia egin die Emakundek herritarrei, eta biharko, azaroaren 25erako, hiri eta herri askotan antolatu diren mobilizazioetan parte hartzeko eskatu die. Gainera, emakumeenganako indarkeriaren kontrako sinbolo bihurtu den puntu lila erakusteko deia egin dio gizarteari (hemen jaits daiteke puntu lila).
la).Zure interesekoa izan daiteke
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.