Pariseko akordioa legalki loteslea izango da, 2 ºC-ko xedea lortzeko
Klimari buruzko Pariseko goi-bilerako presidente eta Frantziako Kanpo Arazoetarako ministro den Laurent Fabiusek nazioarteko biltzarraren osoko bilkuraren aurrean aurkeztu du klima-aldaketaren aurka borroka egiteko hitzarmenaren testua. Testu hori arratsaldean onartuko dute biltzarrean parte hartzen ari diren herrialdeek.
Fabiusek jakinarazi du adostutako akordioa legalki loteslea izango dela, eta bileraren xede nagusia betetzea proposatu du, hots, beroketa globala bi graduetatik behera jaistea, ziur asko 1,5era.
Horrela, azpimarratu egin du akordioko alderdi erabakigarriek honako hauek barne hartzen dituztela : tenperaturaren bataz besteko igoera 2 gradu zentigradu baino gutxiago izatea eta 1,5ekoa izan dadila ahalegintzea; horren bidez, klima-aldaketaren arriskuak murriztuko lirateke.
Horrez gain, "helburu handinahia baina beharrezkoa" zehazten duela gaineratu du. Xede hori bost urtetik behin berrikusiko da, herrialdeen ekarpenak handiagoak izan daitezen. Era berean, atal berezi bat jasotzen du herrialde ahulenak direnak egoki ahal izan daitezen; horretarako, hemendik 2020ra bitartean urtero100.000 milioi dolarreko ekarpen mundiala egingo dutela aurreikusten da akordioan, eta 2025ean helburu berriak zehaztuko dituztela.
Azken finean, Frantziako ministroaren aburuz, alderdiek "bidearen amaieran" proposamena onartzen badute, guztien arteko elkarrenganako konfiantza areagotuko da, bakoitzaren ahalbideen arabera egokituko dea.
Hollandek COP21 bilerari akordio onartzea eskatu dio
Frantziako presidente François Hollandek testua onar dezatela eskatu du gaur klimaren aldaketaren goi-bileran parte hartzen ari diren 196 herrialdeetako ordezkarien aurrean, "egintza handia izango delako gizateriarentzat ".
Ban: "Amaiera begi bistan daukagu, buka dezagun lana"
NBEko idazkari nagusi Ban Ki-moonek ere beroketa globalaren aurkako akordioa onartzeko eskaria egin die goi-bilerako ordezkariei. "Amaiera begi bistan daukagu, buka dezagun lana", esan du Banek, Fabiusek testua aurkeztu ostean.
Europar Batasuna, pozik
Europar Batasuna (EB) pozik dago aurkeztu den testuaren aurrean. Onartzen bada, klima-aldaketaren gaineko lehendabiziko hitzarmen lotesle globala izango delako, eta hori "erdiespen historikoa da".
Azpimarratzen duenez, testuak Batasunaren eskaera gehienak jasotzen ditu. Batasuna bera izan da kontsentsu "handinahiaren" aldeko koalizioa zuzendu duena.
Oregi: "Herrialdeak konprometitu egin dira modu zehatz batean"
Foru Gobernuarentzat ez dira nahikoak hartutako erabakiak
Pariseko Klimaren Goi-bileran diharduen Nafarroako Foru Gobernuaren ordezkaritzaren aburuz, lortutako akordioak aurrerapausoa dira azken 20 urteetan izandakoekin alderatuta, baina "urriak dira klima-aldaketaren mehatxuaren eta gizakiengan eta ingurumenean dituen ondorioen aurka borrokatzeko".
Albiste gehiago gizartea
Kobetamendiko karabana eta autokarabanen gunea martxan izango da igandetik aurrera, Bilbao BBK Live jaialdia amaitu ostean
Udalak instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hemendik aurrera Bilbao Caravan Park izena izango du. Azpiegitura nagusi berri bat sortu da eta instalazio zaharra eraldatu da.
Espetxera bidali du epaileak Anoetan txirrindulari bat harrapatu eta hiltzea leporatuta atxilotutako gidaria
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Bilboko Konpartsek jai giroan abiatu dute Aste Nagusirako atzerako kontaketa
Urtero bezala, hainbat ekitaldi antolatu dituzte, konpartsa guztietako kideei eta bilbotarrei zabalik, konpartsakidetzera animatu daitezen, Aste Nagusia eta gainerako jaiak bizitzeko oso modu berezia baita. Bilboko Aste Nagusiari hasiera emateko hilabete eskas geratzen dela gogorarazi dute Bilboko Konpartsek, adiskide arteko giroan, Konpartsakide Egun honetan.
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Euskal Herria, arrazakeriaren aurrean, erantzun antolatua
Nafarroako eta Bizkaiko arrazismoaren aurkako kolektiboek elkarretaratzeak egin dituzte larunbat honetan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte ehun bat herritan eguerdian
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.