Akordioaren aurkezpena larunbatera arte atzeratu dute goi-bileran
Klima aldaketaren kontrako akordioaren aurkezpena larunbatera arte atzeratu dute. Gaur aurkeztu behar zuten, baina bihar goizera arte atzeratu dute, Laurent Fabius Frantziako Atzerri ministroak gaur iragarri duenez.
“Nik uste bezala, testua ez dut ostiral gauean aurkeztuko, larunbat goizean baizik”, adierazi du Fabiusek BFM telebista-katean, arrazoiak zehaztu gabe.
Agiri berriak akordioaren “forma” du dagoeneko, adituek jakitera eman dutenez.
Testuak 27 orrialde ditu. Itunak 12 orri ditu, eta gainerako 15ak erabakia garatzeko dira. Fabiusen ahotan, ostegun gaueko egoerarekin alderatuta “aurrerapauso” bat da. Hala ere, oraindik puntu garrantzitsu batzuk adosteke daudela onartu du, eta, besteak beste, akordioaren asmoak, herrialde aberatsen eta pobreen arteko aldeak, eta azken horien finantziazioa aipatu ditu.
“Erantzukizun komunak, baina ezberdinak"
Testuko sarreraren arabera, klima aldaketari aurre egiteko “erantzukizun komunak, baina ezberdinak” zehaztu behar ditu itunak, eta baita garapen bidean dauden herrialdeak eta estatu ahulenak kontuan hartu ere.
Industrializazio garaiaren aurreko tenperaturaren azpitik bi gradu mantentzeko helburua proposatu du akordioak, eta Lurreko tenperaturak 1,5 gradutik gora ez egitea nahiko lukete, klima aldaketaren hondamendiak saihesteko.
Epe luzeko xedeei dagokionez, “lehenbailehen isuriei muga bat jartzeko” konpromisoa hartu dute herrialdeek. Mendeko bigarren erdian berotegi efektua eragiten duten gasen neutraltasuna lortzeko helburua proposatu dute, hau da, planetak xurgatu ditzakeen baino gas kutsatzaile gehiago ez isurtzeko konpromisoa.
Besteak beste, 2050ean isuriak murrizteko helburu bat zehaztea baztertu dute negoziatzaileek, nahiz eta Europar Batasunaren asmoa hori izan, eta 2100ean ikatzen ekonomiak desagertzeko xedea ere alde batera utzi dute.
Zure interesekoa izan daiteke
Espainiako Gobernuak baimena eman du Kanariar Uharteetan hantabirusa duen gurutzontzia atrakatzeko, eta larri dagoen medikua han artatzea
Ontzian 147 pertsona daude eta hiru hil dira. Cabo Verden dago, eta hiruzpalau egun barru artxipelagora iristea espero dute. Bertan, egoera larrian dagoen medikua artatuko dute.
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.