Indarkeria matxistak 56 emakume hil ditu 2015ean Espainiako Estatuan
Gutxienez 55 emakume hil dituzte 2015ean Espainian horien bikotekideek edo bikotekide ohiek, Osasun, Gizarte Zerbitzu eta Berdintasun Ministerioaren datu ofizialen arabera. Gainera, beste hiru auzi ikertzen ari dira, eta Andaluziako Gobernuak beste kasu bat baieztatu du gaur bertan Almerian.
Dena dela, feminicidio.net webguneak 105era igo du hildako emakumeen kopurua. Izan ere, datu ofizialek kontuan hartzen ez dituen kasuak ere zenbatzen ditu, hala nola Laura Hoyorena (Marina Okarynska lagunarekin batera hil zuen azken horren bikotekide ohiak abuztuan, Cuencan).
Osasun Ministerioaren datu ofizialek aitortutako 55 biktimetatik, 13k tratu txarrak salatu zituzten hil aurretik, eta horietako lauk babes neurriak zituzten indarrean. Bestalde, 50 adingabe umezurtz utzi ditu aurten indarkeria matxistak, eta hiru ume hil egin ditu. Hildako emakumeetatik, 36k espainiar nazionalitatea zuten, eta beste 19ak atzerrikoak ziren. Biktimak adin guztietakoak dira: hamazortzi 41 eta 58 urte artekoak ziren; hamasei, 31 eta 40 artekoak; eta, hamaika, 30 urte baino gazteagokoak.
Euskadin hiru emakume hil dituzte aurten: Leyre Rodriguez, Almudena Matarranz eta izena jakinarazi ez duten 29 urteko gazte bat. Nafarroan, aldiz, ez da feminizidiorik jazo.
821 hilketa 2003tik
Orotara, 821 emakume hil dituzte 2003 urtetik, datu ofizialen arabera.
Halaber, 13 ume ere erail dituzte 2013tik (urte horretan hasi ziren krimen horiek zenbatzen).
___________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Euskadik beroari lotutako ia 300 heriotza posible erregistratu ditu udan
Adinari begiratuta, hildakoen % 92k 65 urte baino gehiago zituen, Carlos III.a Osasun Institutuaren Eguneko Hilkortasuna Monitorizatzeko Sistemaren (Momo) kalkuluen arabera.
Bizkaiko pentsiodunek manifestazioa egin dute gaur Bilbon, Aste Nagusi bete-betean, beste behin ere pentsio duinak aldarrikatzeko
Aste Nagusiko giroan deitu dute manifestazioa, pankarta nagusiaren leloak dion bezala, "Jaietan ere, pentsionistak kalean" daudela gogorarazteko. Eusko Jaurlaritzaren jarrera gogor kritikatu du mugimenduak, euren herri-ekimen legegilea aldez aurretik atzera bota izana salatuz. Pentsio minimoa gutxieneko soldatarekin berdintzea eta osasun zein zaintza-sistema publiko, unibertsal eta doakoak bermatzeko deia egin dute.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Gernikako gaztetxeko kideek Udalak bertan egin nahi duen liburutegiko obrak atzeratzeko eskatu dute, alternatiba seguru bat izan arte
Duela urtebete baino gehiago okupatu zuten Gazte Asanbladako kideek “hamar urte baino gehiagoz hutsik” egon den eraikina.
Gizon batek sexu-erasoa egin dio emakume bati Iruñean, eta erasoa eragozten saiatu den pertsona bat jo du
Gainera, beste gizon bat atxilotu dute Nafarroako hiriburuan, bikotekide ohia kalean jo omen duelako.
Osasun Ministerioak eta erkidegoek Ceutara 45.000 txerto bidaltzea adostu dute
Ceutak hirukoitz birikoaren 15.000 dosi eta difteria-tetanos, barizela zein polioaren aurkako 30.000 jasoko ditu, uztailaren amaieran iritsitako adingabe migratzaileei txertoa jartzeko.
Nafarroako Gobernuak eta Petilla Aragoiko Udalak 150.000 eurotik gorako plana adostu dute, datozen suteen aurrean herria babesteko
Udako sute larriaren ostean, suebaki berriak, bigarren ur-putzu bat eta gazteentzako abeltzaintza-proiektu bat abiatzea adostu dute.
Biobizkaiak osasun-produktu pertsonalizatuak fabrikatuko ditu 3D inprimaketaren bidez
Lizentzia horri esker, Aurpegi-masailetako Kirurgia, Bihotz-hodietako Kirurgia, Traumatologia, Otorrinolaringologia eta Onkologia Erradioterapikorako produktuen bost familia fabrikatu ahalko dira.
Hondarribiko Alarde tradizionalak utzi egin du gatazkari konponbidea emateko elkarrizketa prozesua
Udalak kezka agertu du erabakiaren aurrean, baina gatazka sozialari konponbide partekatu eta iraunkorra bilatzeko lanean jarraituko duela berretsi du.
A8an Abanton Kantabriarako noranzkoan sortu diren auto-ilarak amaitu dira dagoeneko
Kantabriarako norantzan erreietako bat itxi behar izan dute lanak egin ahal izateko, eta, ondorioz, auto-ilara luzeak sortu dira inguru horretan, baina, behin lanak amaituta, konpondu dira ilarak ere.