Indart kasua artxibatu dute, aitaren aurkako frogarik ez dagoelako
Jose Antonio Indart Sarretearen aurka zabaldutako auzia artxibatzea erabaki du Nafarroako Auzitegiak, haren kontrako "froga nahikorik" ez dagoela argudiatuta. 2008an semea, Iñaki Indart Ariztegi, hiltzea egotzita inputatuta zegoen, baina epaileak errugabe jo du.
Iruñeko 4. Instrukzio Epaitegiko epaileak iazko urrian baztertu egin zuen Legasako krimena argitzeko auzia artxibatzea, eta Jose Ignacio Indart Sarretearen aurkako prozesuarekin aurrera jarraitzea erabaki zuen.
Orain, Nafarroako Auzitegiko lehen sekzioaren iritzian, "ez da zentzuzkoa" inputatuari semearen heriotza leporatzea, ez baitago hori frogatzen duen "froga sendorik". Ez dago horren kontra helegiterik jartzerik.
"Apelazio-errekurtsoa kontuan hartuko da, errekurritutako autoak atzera bota ondoren. Ez dago krimenarekin lotutako froga nahikorik eta sinesgarririk Jose Antonio Indarti lepora dakiokeenik", jaso du lehen sekzioko epaileak.
Atxiloketa
2008an ikusi zuten azkenengoz Iñaki Indart, 24 urteko legasarra. Haren familiak eman zuen desagerpenaren berri. Hainbat hilabetez aritu ziren haren bila, baina ez zuten gaztearen arrastorik topatu.
Handik zazpi urtera, 2014ko abenduan, Gazteluko leizean Gerra Zibileko fusilatuen aztarnak bilatzen ari zen espeleologo talde batek gorpu bat aurkitu zuen bertan. Gorpua Iñaki Indartena zela baieztatu zuten ikertzaileek.
Horren aurrean, ikerketa zabaldu zuten, eta gaztearen aita atxilotu zuten, semearen hiltzailea zelakoan. Deklaratzera joan zenean, honakoa esan zuen, Auzitegiaren atarian: "Ez dago, ez da egon eta ez da egongo nire kontrako frogarik". Atzo, Nafarroako Lurralde Auzitegiak arrazoia eman zion.
Zure interesekoa izan daiteke
Igandean irekiko dute A-15 errepidearen azken zatia, Belabietako tunela, Donostiarako noranzkoan
Zortzi urteko lanen eta 95 milioi euroko inbertsioaren ondoren, igande honetan irekiko dute A-15 errepidearen azken zatia, Belabietako tunela, Donostiarako noranzkoan. Gipuzkoako ahaldun nagusiak azpiegitura horren garrantzia azpimarratu du, tunel seguruagoak, adimentsuagoak eta iraunkorragoak baititu.
Zubietako kartzela ekainaren 15ean inauguratuko dute
Espetxea handia eta modernoa da, eta 400 plaza ditu, 360 gizonentzat eta 40 emakumeentzat. Gainera, prestakuntza-tailerrak eta erizainak kontsulta medikoekin ditu, baita kirol- eta kultura-guneak ere. Martuteneko espetxeari dagokionez, eraikina 2027ko lehen seihilekoan eraitsiko dute.
Lukas Agirreren hilketaren akusatu nagusiak "bazekien zer zebilen", drogen eraginez "borondatea mugatua" zuen arren
Auzitegiko medikuak honela definitu du: "hotza, kalkulatzailea eta antisoziala". Gainera, "ezaugarri psikopatikoak izan ditzake". Biktima artatu zuten anbulantziako osasun-langileak hura suspertzen saiatu ziren 35 minutuz, bizi-zantzurik gabe topatu arren.
Jaurlaritzak Bero Plana abian jartzea aurreratu du, tenperatura altuen eraginez
Irailaren 30era arte egongo da indarrean, eta hiru ardatz ditu: eguraldi iragarpenak, osasun zaintza eta herritarrentzako oharrak.
ETS taldeko buru Iñigo Etxezarreta izango da pregoilaria Andre Maria Zuriaren jaietan
Gasteizko Udalak nabarmendu du “musikari, euskarari eta kulturari egindako ekarpena”.
Espetxera bidali dute, behin-behinean eta fidantzarik gabe, emaztea hiltzeagatik Arguedasen atxilotu zuten gizonezkoa
Epaileak erabaki hori hartu du ihes egiteko arriskua handia delako, besteak beste, hilketa delituagatik 25 urtera arteko espetxe zigorra ezarri baitaiteke.
Behin-behinean aske utzi dute Azpeitian haur-pornografiako 110.000 artxibo informatiko zituen 71 urteko gizona
Epaitegian aldian behin eta eskatzen zaion guztietan agertzeko betebeharra ezarri dio magistratuak. Ikerketan baieztatu egin dute atxilotuak aurrekariak zituela halako delituengatik, 2011n eta 2014an ere atxilotu zuten.
19 atxilotu Bilbon eta Donostian, migratzaileak dokumentu faltsuekin erregularizatzeko gestoria-sare batean
Desegindako sareak 5.000 eta 10.000 euro artean kobratzen zien migratzaileei eta lau gestoria daude tartean: bat, Gipuzkoan, eta gainerakoak, Bizkaian. Atxiloketak duela bi aste inguru egin zituzten, migratzaileen ezohiko erregularizazio prozesua baino lehen hasitako operazio baten baitan.
Europako kontsumitzaileek Google, Meta eta TikTok salatu dituzte Europako Batzordearen aurrean, finantza-iruzurrak iragartzeagatik
Salaketa Europako hamahiru herrialdetako teknologien publizitate-politika aztertu eta 2025eko abendutik 2026ko martxora bitartean ia iruzurrezko 900 iragarki atzeman ondoren etorri da. Salatzen dutenez, iragarkiak ez ezabatzeaz gain, konpainiek ez dute irmo jokatzen iruzur-mota horren berri ematen zaienean.
Albiste izango dira: Beroa heldu da; Zapatero, ikerketapean, eta tentsioa, Kuban
Gaurkoan Orain-en albiste izango direnen laburpena, bi hitzetan.